Iechyd a llesiant meddyliol yn y gwaith

Dylai fod systemau ar waith i’ch helpu i flaenoriaethu iechyd meddwl gweithwyr.

Bydd hyn yn eich helpu i ddeall unrhyw faterion y mae angen i chi fynd i’r afael â nhw. Gall hyn gynnwys:

• Gofyn i weithwyr sut maen nhw’n teimlo drwy ddefnyddio arolygon, grwpiau ffocws a sgyrsiau un i un gyda rheolwyr
• Cadw golwg ar y rhesymau pam mae gweithwyr yn absennol o’r gwaith. Gall hyn eich helpu i ddeall a yw straen yn y gweithle yn ffactor
• Defnyddio’r hyn rydych chi’n ei ddysgu i roi cynllun iechyd meddwl yn y gweithle ar waith a gwirio eich cynnydd

Gall gweithio gyda gweithwyr i roi cynllun iechyd meddwl ar waith fod yn ffordd dda o reoli a gwella iechyd meddwl yn y gwaith.

Gall eich cynllun gynnwys:

• Penodi uwch arweinydd i hyrwyddo mentrau yn eich sefydliad
• Adolygu eich polisïau yn y gweithle ac ychwanegu camau i hyrwyddo iechyd meddwl a llesiant da. Gallai hyn gynnwys polisïau ar weithio’n hyblyg, rheoli absenoldeb a bwlio ac aflonydd
• Creu grŵp gorchwyl gyda chynrychiolwyr o bob rhan o’ch sefydliad i drafod gwella iechyd meddwl a llesiant yn y gweithle
• Defnyddio Safonau Rheoli Straen(Saesneg yn unig) yr Awdurdod Gweithredol Iechyd a Diogelwch i ddatblygu cynllun i leihau straen yn y gweithle

Gall gwneud gwaith yn lle cadarnhaol a chefnogol helpu gweithwyr i deimlo eu bod yn cael eu cefnogi ac yn gyfforddus.

Gall hyn hefyd helpu gweithwyr i siarad am iechyd meddwl heb ofn na chywilydd.

Gall hyrwyddo diwylliant cadarnhaol a chefnogol yn y gweithle gynnwys:

• Hyfforddi rheolwyr i eiriol dros, a chefnogi llesiant meddyliol
• Penodi hyrwyddwyr iechyd a llesiant meddyliol a rhoi amser iddyn nhw gyflawni’r rôl hon
• Sicrhau llwyth gwaith teg a chynnal sgyrsiau rheolaidd gyda gweithwyr i atal straen a gorweithio
• Annog uwch arweinwyr a rheolwyr i fod yn agored am eu hiechyd meddwl eu hunain
• Rhannu newyddion am gymorth iechyd meddwl drwy eich sianeli cyfathrebu â staff
• Cael sgyrsiau agored am iechyd meddwl drwy gyfarfodydd un-i-un neu gyfarfodydd tîm

Gall defnyddio eich sianeli cyfathrebu â staff fod yn ffordd dda o rannu gwybodaeth a hyrwyddo adnoddau a all wella iechyd meddwl a llesiant.

Hapus: Sgwrs Genedlaethol ar Lesiant Meddyliol

Mae gwefan Hapus yn darparu amrywiaeth eang o offer ac adnoddau lles sydd â’r nod o warchod a hyrwyddo lles meddyliol.

Bydd taith drwy’r wefan yn eich helpu i ddeall lles meddyliol a pham ei bod yn bwysig amddiffyn a hyrwyddo eich lles meddyliol chi a’ch gweithwyr.

Ei nod yw ysbrydoli pobl i gymryd rhan mewn gweithgareddau y gwyddys eu bod yn hyrwyddo ac yn diogelu lles meddyliol.

Sefydliad Iechyd Meddwl

Mae’r Sefydliad Iechyd Meddwl (Saesneg yn unig) yn cynnig offer a chyngor i helpu pobl a sefydliadau i flaenoriaethu iechyd meddwl

Rhaglenni Cymorth i Weithwyr

Rhaglenni Cymorth i Weithwyr yn darparu gwasanaethau cwnsela a chymorth cyfrinachol

Ymgyrchoedd ymwybyddiaeth

Mae llawer o ymgyrchoedd ymwybyddiaeth, fel Wythnos Ymwybyddiaeth Iechyd Meddwl, y gallwch eu hyrwyddo yn eich gweithle. Ewch i’n hadran Ymgyrchoedd a Digwyddiadau i ddarganfod mwy.