Wythnos Diabetes

Gwybodaeth am y digwyddiad

Dyddiad
Gwefan
https://www.diabetes.org.uk/support-us/diabetes-week

Darganfyddwch sut y gall cyflogwyr ddefnyddio Wythnos Diabetes i godi ymwybyddiaeth o ddiabetes, rhannu awgrymiadau ac adnoddau a chefnogi gweithwyr sydd â diabetes.

Gwerth cefnogi Wythnos Diabetes yn y gwaith

Mae Wythnos Diabetes yn ddigwyddiad blynyddol a gynhelir gan Diabetes UK. Nod yr wythnos yw codi ymwybyddiaeth o ddiabetes a chefnogi’r rhai sy’n byw gyda diabetes.

Mae nifer o fanteision i gefnogi Wythnos Diabetes yn eich gweithle, gan gynnwys:

  • Mwy o ymwybyddiaeth o ddiabetes
  • Mwy o ymgysylltiad ymhlith y gweithwyr
  • Gwell morâl

Cymerwch ran yn Wythnos Diabetes yn y gwaith

Mae yna lawer o ffyrdd y gall eich gweithle gymryd rhan yn Wythnos Diabetes.

Dyma ychydig o syniadau:

Codi ymwybyddiaeth

Defnyddiwch eich sianeli cyfathrebu mewnol i rannu gwybodaeth am ddiabetes i ledaenu ymwybyddiaeth.

Ewch i wefan Diabetes UK (Saesneg yn unig) i ddod o hyd i wybodaeth ac adnoddau.

Trefnu gweithdy

Gwahoddwch weithiwr gofal iechyd proffesiynol i siarad â gweithwyr am ddiabetes. Gall gwneud hyn fod yn ffordd dda o addysgu am reoli ac atal diabetes.

Annog profion iechyd

Rhannwch wybodaeth am brofion iechyd diabetes ac anogwch weithwyr â diabetes i gael eu profion iechyd diabetes.

Gall cael sgyrsiau agored am brofion iechyd diabetes hefyd leihau stigma a chynyddu ymwybyddiaeth.

Diabetes yn y gweithle

Mae’n beth gwych nodi Wythnos Diabetes yn eich sefydliad, ond gallwch hefyd gymryd camau i gefnogi gweithwyr drwy gydol y flwyddyn.

Dyma rai pethau y gallech eu hystyried yn eich gweithle:

Gwnewch addasiadau rhesymol ar gyfer gweithwyr sydd â diabetes

  • Hyrwyddwch arferion iach yn y gweithle
  • Anogwch sgrinio cynnar a chynnig cymorth
  • Codwch ymwybyddiaeth ac anogwch gyfathrebu agored

Darganfyddwch fwy am gymorth i weithwyr gyda diabetes.

Darganfod mwy

I ddarganfod sut y gall eich gweithle gymryd rhan yn Wythnos Diabetes, ewch i wefan Diabetes UK (Saesneg yn unig).

I gael y wybodaeth ddiweddaraf am ymgyrchoedd iechyd a lles drwy gydol y flwyddyn, cofrestrwch ar gyfer ein cylchlythyr.


  • Ymgyrch