Diwrnod Cwsg y Byd

Dysgwch sut y gall cyflogwyr ddefnyddio Diwrnod Cwsg y Byd i godi ymwybyddiaeth o bwysigrwydd cwsg ar iechyd a lles a sut mae'n effeithio ar berfformiad yn y gwaith.

Pam mae cwsg yn bwysig yn y gweithle

Fel cyflogwr, gallwch wneud gwahaniaeth mawr trwy hyrwyddo arferion cysgu da. Gall colli cwsg effeithio ar ganolbwyntio, ansawdd gwaith ac iechyd.

Gall cwsg:

• Rhoi hwb i lefelau egni a ffocws, gan arwain at well perfformiad
• Lleihau straen a phryder, gan wella lles meddyliol
• Lleihau’r risg o wneud camgymeriadau a achosir gan flinder
• Helpu gweithwyr i gadw’n iach a cholli llai o ddyddiau o’r gwaith oherwydd salwch

Sut y gall cyflogwyr gefnogi Diwrnod Cwsg y Byd

Fel cyflogwr, gallwch gymryd camau syml i helpu gweithwyr i wella eu cwsg.

Codi ymwybyddiaeth

Defnyddiwch eich sianeli cyfathrebu arferol i rannu gwybodaeth gyda’r staff am Ddiwrnod Cwsg y Byd ac annog gweithwyr i gymryd rhan.

Rhannu syniad neu ddau i wella arferion cwsg

Rhannwch bosteri, canllawiau a negeseuon atgoffa digidol ynglŷn â pham mae cwsg yn bwysig.

Trefnu sgwrs neu weithdy

Gwahoddwch arbenigwr i siarad â’r gweithwyr am bwysigrwydd cwsg.

Cefnogi cwsg y tu hwnt i Ddiwrnod Cwsg y Byd

Mae yna gamau y gallwch eu cymryd trwy gydol y flwyddyn i hyrwyddo arferion cysgu da.

Gall hyn gynnwys:

• Cynnig adnoddau a hyfforddiant
• Annog cydbwysedd rhwng bywyd a gwaith
• Darparu trefniadau gwaith hyblyg

Dod o hyd i fwy o wybodaeth am yr hyn y gall cyflogwyr ei wneud.

Mwy o wybodaeth

Dod o hyd i fwy o wybodaeth sut y gall eich gweithle gymryd rhan a derbyn adnoddau ar wefan World Sleep Day (Saesneg yn unig)

I dderbyn y wybodaeth ddiweddaraf am ymgyrchoedd iechyd a lles drwy gydol y flwyddyn, cofrestrwch ar gyfer ein cylchlythyr.

• Ymgyrch