Diwrnod AIDS y Byd

Gwybodaeth am y digwyddiad

Dyddiad
Gwefan
https://worldaidsday.org/

Dysgwch am Ddiwrnod AIDS y Byd a darganfod sut y gall cyflogwyr gefnogi'r ymgyrch yn y gweithle, codi ymwybyddiaeth a lleihau stigma i bobl sy'n byw gyda HIV.

Gwerth cefnogi Diwrnod AIDS y Byd yn y gwaith

Mae Diwrnod AIDS y Byd yn cael ei gynnal ar 1 Rhagfyr bob blwyddyn. Nod y diwrnod yw codi ymwybyddiaeth o HIV ac AIDS a chefnogi’r rhai sy’n cael eu heffeithio ganddo.

Gall cefnogi’r ymgyrch helpu gweithleoedd i gefnogi gweithwyr, cynyddu ymwybyddiaeth a mynd i’r afael â stigma.
Trwy ddangos eich bod yn weithle cynhwysol, gallwch:

  • Gynyddu ymgysylltiad gweithwyr
  • Cadw staff yn well
  • Gwella enw da’r cwmni.

Ffyrdd o gefnogi Diwrnod AIDS y Byd yn y gwaith

Gwisgwch y Rhuban Coch

Y Rhuban Coch yw’r symbol dros y byd o ymwybyddiaeth a chefnogaeth i bobl sy’n byw gyda HIV.

Rhannwch wybodaeth am y Rhuban Coch gyda’ch gweithwyr drwy sianeli cyfathrebu a’u hannog i wisgo rhuban neu rywbeth coch ar y diwrnod.

Mae’r Ymddiriedolaeth AIDS Genedlaethol yn anfon pecyn o 100 o rubanau defnydd coch yn rhad ac am ddim i unrhyw un sy’n codi arian ar gyfer yr Ymddiriedolaeth AIDS Genedlaethol yn y DU. Ewch i ddarganfod mwy am yr Ymddiriedolaeth AIDS Genedlaethol (Saesneg yn unig).

Codwch ymwybyddiaeth

Mae gan yr Ymddiriedolaeth AIDS Genedlaethol bosteri a negeseuon cyfryngau cymdeithasol (Saesneg yn unig) y gallwch eu defnyddio i godi ymwybyddiaeth yn eich gweithle.

Mae ganddyn nhw hefyd gyflwyniad HIV parod (Saesneg yn unig) y gallech ei ddefnyddio mewn sesiwn codi ymwybyddiaeth yn y gwaith.

Rhannwch wybodaeth ac annog sgyrsiau

Cynyddwch wybodaeth am HIV ac AIDS yn eich gweithle trwy rannu gwybodaeth ac adnoddau.

Gall annog gweithwyr i gael sgyrsiau agored hefyd helpu i chwalu stigma ynghylch HIV ac AIDS.

I ddarganfod mwy am HIV ac AIDS, ewch i:

Darganfod mwy

I ddarganfod sut y gall eich gweithle gael cefnogaeth ar Ddiwrnod AIDS y Byd, ewch i wefan World AIDS Day (Saesneg yn unig).

I gael yr wybodaeth ddiweddaraf am ymgyrchoedd iechyd a lles trwy gydol y flwyddyn, cofrestrwch i dderbyn ein cylchlythyr.


  • Ymgyrch