Gweithwyr ifanc yn y gweithle

Mae gweithwyr ifanc yn dod ag egni, syniadau newydd a sgiliau defnyddiol i weithleoedd.

Mae ymchwil yn dangos y gall pobl ifanc wneud gweithleoedd yn gryfach trwy:

• Fod yn hyderus gyda thechnolegau newydd
• Meddwl am syniadau newydd a bod yn greadigol
• Bod yn hyblyg ac yn barod i ddysgu, yn enwedig pan gânt eu cefnogi

Pan fydd cyflogwyr yn cefnogi gweithwyr ifanc, maent yn elwa o:

• Weithwyr sy’n aros yn hirach ac yn teimlo’n deyrngar, yn enwedig pan fo’u profiadau cynnar yn dda
• Mwy o gynhyrchiant, wrth i weithwyr ifanc sy’n cael eu cefnogi ennill hyder a sgiliau
• Arbedion cost, yn enwedig pan ddefnyddir prentisiaethau neu raglenni datblygu gyrfa gynnar

Mae cyflogi a hyfforddi pobl ifanc hefyd yn helpu i baratoi ar gyfer y dyfodol trwy adeiladu gweithlu medrus.

Prentisiaethau

Mae prentisiaethau o fudd i bobl ifanc a chyflogwyr.

Gall pobl ifanc ennill profiad gwaith â thâl, hyder, cymwysterau a datblygiad strwythuredig. Gall cyflogwyr feithrin sgiliau mewn ffordd gost-effeithiol, gan helpu i siapio eu gweithlu yn y dyfodol.

Mae gan Gyrfa Cymru fwy o wybodaeth am brentisiaethau i gyflogwyr.

Mae gan Busnes Cymru wybodaeth am recriwtio prentisiaid.

Adolygwyd y dudalen hon ddiwethaf: 9th Ionawr 2026