Skip to content

Wythnos Atal Gwastraff Bwyd

Gwybodaeth am y digwyddiad

Dyddiad
Gwefan
https://www.lovefoodhatewaste.com/cy/node/564

Dysgwch sut y gall cyflogwyr ddefnyddio Wythnos Atal Gwastraff Bwyd i godi ymwybyddiaeth am wastraff bwyd a rhannu gwybodaeth ac adnoddau i hyrwyddo gweithle cynaliadwy.

Gwerth cefnogi Wythnos Atal Gwastraff Bwyd yn y gwaith

Gall creu diwylliant yn y gweithle sy’n annog trafodaethau agored ynghylch gwastraff bwyd ac effeithiau amgylcheddol arwain at weithlu iachach, mwy ymgysylltiedig.

Gallai cymryd rhan yn yr Wythnos Atal Gwastraff Bwyd a chymryd camau i leihau gwastraff bwyd ddod â llawer o fanteision i weithleoedd, gan gynnwys:

Ffyrdd o gymryd rhan yn Wythnos Atal Gwastraff Bwyd yn y gwaith

Gall gwaith fod yn lle gwych i gael pobl i gymryd rhan yn Wythnos Atal Gwastraff Bwyd.

Dyma rai pethau y gallwch eu gwneud yn eich gweithle:

Rhannu gwybodaeth ac awgrymiadau

Y lle symlaf i ddechrau yw trwy ddweud wrth weithwyr am Wythnos Atal Gwastraff Bwyd.

Rhannwch wybodaeth gan ddefnyddio sianeli cyfathrebu eich staff trwy gydol y mis. Gallech gynnwys ffyrdd hawdd i bawb gymryd rhan yn y gwaith ac adref.

Ewch i wefan Hoffi Bwyd Casáu Gwastraff am syniadau, fel y cwis ar-lein hwn (Saesneg yn unig).

Hyrwyddo arferion bwyta cynaliadwy

Anogwch weithwyr i fabwysiadu arferion bwyta iach cynaliadwy. Gall hyn gynnwys dewis bwydydd rhydd tymhorol a lleol er mwyn osgoi plastigau untro.

Gallech sefydlu her diwastraff, gyda’r nod o gynhyrchu cyn lleied o wastraff bwyd â phosibl am wythnos. Gall cyflwyno rhywfaint o gystadleuaeth gyfeillgar fod yn ffordd dda o ysgogi gweithwyr i gymryd rhan.

Dysgwch fwy am fwyta’n iach yn y gwaith.

Lleihau gwastraff bwyd yn eich gweithle

Darparwch finiau ar gyfer gwastraff organig ac addysgu gweithwyr ar yr hyn y gellir ei gompostio. Gall hyn leihau faint o wastraff bwyd a anfonir i safleoedd tirlenwi yn sylweddol.

Gallech hefyd ystyried partneru â banciau bwyd lleol neu elusennau i roi bwyd dros ben gan eich sefydliad.

Ewch i wefan Ymddiriedolaeth Trussell i ddod o hyd i fanc bwyd (Saesneg yn unig).

Dysgu mwy

Darganfyddwch sut y gall eich gweithle gymryd rhan yn Wythnos Atal Gastraff Bwyd a chael adnoddau ar wefan Hoffi Bwyd Casáu Gwastraff (Saesneg yn unig).

I gael yr wybodaeth ddiweddaraf am ymgyrchoedd iechyd a lles eraill drwy gydol y flwyddyn, cofrestrwch i dderbyn ein cylchlythyr.


  • Ymgyrch