ADHD yn y gweithle

Mae ADHD (Anhwylder Diffyg Canolbwyntio a Gorfywiogrwydd) yn gyflwr niwroddatblygiadol sy’n effeithio ar sut mae pobl yn rheoleiddio eu sylw, ymdopi â thasgau, rheoli ysfeydd ac ymdopi ag emosiynau.

Nid oes cysylltiad rhwng ADHD a deallusrwydd na gallu a gall ddigwydd law yn llaw â chyflyrau eraill fel awtistiaeth, dyslecsia neu ddyspracsia, er bod pob un yn wahanol.

Efallai y bydd gan rai gweithwyr ddiagnosis ADHD ffurfiol gan weithiwr gofal iechyd proffesiynol, tra bo eraill wedi hunan-adnabod yn seiliedig ar eu profiadau eu hunain. Gall ADHD ymddangos mewn gwahanol ffyrdd a gall gweithwyr â’r cyflwr brofi cryfderau yn ogystal â heriau yn y gweithle.

Gall heriau cyffredin yn y gweithle gynnwys:

• Anhawster cadw sylw ar dasgau sy’n llai cyffrous
• Trefnu, cynllunio a blaenoriaethu tasgau
• Ymddygiad sy’n gweithredu ar ysfa neu wneud penderfyniadau cyflym
• Ymatebion emosiynol cryf a all fod yn anodd eu rheoleiddio
• Sensitifrwydd i bethau sy’n tynnu sylw neu newidiadau yn yr amgylchedd
• Sensitifrwydd i sŵn, ymyrraeth neu gyfathrebu aneglur

Mae oedolion ag ADHD yn aml yn cuddio eu hanawsterau i ymddangos yn gymwys, a gall hyn arwain at straen a gorlethu.

Fel cyflogwr, gallwch gefnogi gweithwyr ag ADHD trwy greu gweithle cynhwysol, lle mae yna ddealltwriaeth a hyblygrwydd. Mae gwneud hynny’n caniatáu i weithwyr niwroamrywiol ffynnu a defnyddio eu doniau unigryw, a chyfrannu er budd unigolion a’r sefydliad.

Gallwch ddarganfod mwy am ADHD ar wefan GIG 111 Cymru (Saesneg yn unig).

Adolygwyd y dudalen hon ddiwethaf: 19th Chwefror 2026