Skip to content

Niwed sy'n gysylltiedig â gamblo yn y gweithle

Dysgwch sut i atal niwed sy'n gysylltiedig â gamblo yn y gwaith, sut i adnabod pryd y gallai fod angen cymorth, a sut i ymateb yn deg ac yn hyderus.

Neidio'r tabl cynnwys

Cydnabod pryd y gallai fod angen cefnogaeth ar unigolyn

Mae niwed sy’n gysylltiedig â gamblo yn aml yn gudd ac efallai na fydd yn amlwg ar unwaith. Dylid ystyried yr arwyddion a restrir isod fel dangosyddion posibl o bryder llesiant yn hytrach nag fel tystiolaeth o niwed sy’n gysylltiedig â gamblo.

Ni ddylai rheolwyr ymchwilio i ymddygiad gamblo na cheisio ei gadarnhau. Yn hytrach, dylent ymdrin ag unrhyw bryderon yn sensitif, cynnal cyfrinachedd a chanolbwyntio ar gefnogi’r gweithiwr.

Gall dangosyddion posibl gynnwys:

Newidiadau o ran presenoldeb neu berfformiad

Absenoldeb heb ei egluro, dechrau’r gwaith yn hwyr, anhawster wrth ganolbwyntio, terfynau amser yn cael eu methu neu fwy o gamgymeriadau nag arfer.

Newidiadau o ran llesiant neu ymddygiad

Gofid, gorbryder, tymer flin, blinder, cyfrinachedd, tynnu’n ôl neu ddefnyddio ffôn neu wefannau gamblo yn aml yn ystod amser gwaith.

Pwysau ariannol

Ceisiadau am ragdaliadau cyflog, benthyca dro ar ôl tro, anhawster talu costau hanfodol neu bryder ynghylch mynediad at arian neu gyfrifon yn y gweithle.

Effaith gamblo rhywun arall

Straen, anawsterau ariannol, pwysau gofalu neu lesiant is sy’n effeithio ar bartner, aelod o’r teulu, ffrind neu gydweithiwr.

Dechreuwch gyda’r arsylwadau rydych chi wedi’u gwneud, cael sgwrs sensitif a chyfrinachol am lesiant, a dilyn gweithdrefnau diogelu neu risg frys arferol os oes pryderon ynghylch diogelwch neu lesiant y gweithiwr.

Adolygwyd y dudalen hon ddiwethaf: 16th Medi 2026