Diwrnod Cenedlaethol Dim Ysmygu

Cyfle i ddysgu fwy am Ddiwrnod Cenedlaethol Dim Ysmygu a dysgu sut y gall cyflogwyr gefnogi staff i roi'r gorau i ysmygu am byth, gwella eu hiechyd, a chreu gweithle glanach.

Gwerth cefnogi gweithwyr i roi’r gorau i ysmygu

Mae helpu gweithwyr i roi’r gorau i ysmygu o fudd i unigolion a busnesau. Gall cyflogwyr sy’n cefnogi rhoi’r gorau i ysmygu:

• Gwella iechyd gweithwyr
• Cynyddu cynhyrchiant a gwella ymgysylltiad yn y gweithle
• Lleihau absenoldeb ac absenoldeb salwch oherwydd afiechydon sy’n gysylltiedig ag ysmygu
• Creu amgylchedd gwaith glanach, iachach i bawb
• Cryfhau eich henw da fel cyflogwr sy’n gwerthfawrogi lles staff

Pam mae rhoi’r gorau i ysmygu yn bwysig yn y gweithle

Mae ysmygu yn effeithio ar iechyd, cynhyrchiant a lles ariannol gweithwyr. Mae effeithiau cyffredin ysmygu yn y gweithle yn cynnwys:

• Cynnydd mewn risg o salwch difrifol fel clefyd y galon, strôc, a chanser yr ysgyfaint
• Lefelau egni a chanolbwyntio is
• Lefelau uwch o straen a phryder oherwydd dibyniaeth ar nicotin
• Cymryd seibiannau ysmygu yn aml yn tarfu ar lif gwaith a chynhyrchiant
• Straen ariannol ar weithwyr, gydag ysmygu yn costio miloedd o bunnoedd y flwyddyn

Gwneud Diwrnod Cenedlaethol Dim Ysmygu yn ddifyr ac yn gynhwysol

Annog gweithwyr i gymryd rhan yn y Diwrnod Cenedlaethol ar gyfer Dim Ysmygu gyda’r mentrau hyn:

Byddwch yn gefnogol

Sefydlwch grŵp rhoi’r gorau iddi neu sefydlu system cyfaill yn y gweithle Lle bo’n bosibl, dylech ganiatáu cyfnodau seibiant hyblyg

Gofynnwch i arbenigwr eich helpu

Ewch ati i greu partneriaeth gyda gwasanaethau rhoi’r gorau i ysmygu yn lleol ar gyfer trefnu sesiynau cymorth.

Rhannwch straeon llwyddiant

Tynnwch sylw at weithwyr sydd wedi rhoi’r gorau i ysmygu yn llwyddiannus i ysbrydoli eraill.

Camau y gall cyflogwyr eu dilyn i gefnogi Diwrnod Cenedlaethol Dim Ysmygu

Dyma rai camau y gallwch eu dilyn i gefnogi Diwrnod Cenedlaethol Dim Ysmygu yn eich gweithle:

• Rhannu posteri, negeseuon e-byst, a straeon o lwyddiant fyddai’n ysbrydoli ac ysgogi gweithwyr i roi’r gorau i ysmygu.
• Cyfeirio staff i Helpa Fi i Stopio y GIG i roi’r gorau i ysmygu.
• Annog sgyrsiau agored am roi’r gorau i ysmygu heb unrhyw bwysau na barn.
• Cydnabod cynnydd ac annog dyfalbarhad.

Mwy o wybodaeth

Chwilio am fwy o wybodaeth am Ddiwrnod Cenedlaethol Dim Ysmygu a derbyn adnoddau i’w defnyddio yn y gweithle ar wefan ASH Cymru (Saesneg yn unig).

Cefnogwch y gweithwyr i fod yn rhan o’r gwasanaeth Helpa Fi i Stopio

Mae Helpa Fi i Stopio yn wasanaeth GIG sy’n rhad ac am ddim sydd wedi’i gynllunio i gefnogi ysmygwyr i roi’r gorau iddi am byth. Mae’n cynnwys archwiliadau rheolaidd a meddyginiaeth rhoi’r gorau i ysmygu am ddim.

Gall cyflogwyr yng Nghymru hyrwyddo’r gwasanaeth hwn drwy:

• Arddangos posteri a thaflenni Helpa Fi i Stopio mewn mannau staff.
• Cynnwys dolenni Helpa Fi i Stopio mewn e-byst mewnol, cylchlythyrau neu drwy gyfrwng y mewnrwyd.
• Annog rheolwyr i gyfeirio gweithwyr at y cymorth sydd ar gael.

Ewch i Helpa Fi i Stopio i ddod o hyd i wasanaethau ac adnoddau lleol i’ch gweithwyr.

• Ymgyrch