Diwrnod Iechyd Meddwl y Byd

Dysgwch sut y gall cyflogwyr ddefnyddio Wythnos Ymwybyddiaeth Iechyd Meddwl i annog sgyrsiau agored am iechyd meddwl yn y gwaith i gefnogi gweithwyr a chwalu stigma.

Gwerth cefnogi Diwrnod Iechyd Meddwl y Byd yn y gwaith

Mae Diwrnod Iechyd Meddwl y Byd yn ddiwrnod i godi ymwybyddiaeth o faterion iechyd meddwl ledled y byd.

Mae creu diwylliant sy’n annog trafodaethau agored yn arwain at weithlu iachach, mwy ymrwymedig. Gall anwybyddu iechyd meddwl yn y gweithle arwain at fwy o absenoldebau a pherfformiad is.

Gall gweithle sy’n cefnogi lles meddyliol:

• Greu awyrgylch agored o onestrwydd a dealltwriaeth
• Cryfhau perthnasoedd yn y gweithle a gwaith tîm
• Sicrhau bod y gweithwyr yn teimlo eu bod nhw’n cael eu gwerthfawrogi a’u cefnogi
• Lleihau absenoldebau a gorlethu sy’n gysylltiedig â straen
• Gwella cynhyrchiant a morâl yn y gweithle.

Dathlu Diwrnod Iechyd Meddwl y Byd yn y gwaith

Fel cyflogwr, gallwch greu diwylliant o ddealltwriaeth lle mae’r gweithwyr yn teimlo’n gyfforddus i siarad am iechyd meddwl.

Dyma rai camau syml y gallwch eu cymryd i gefnogi Diwrnod Iechyd Meddwl y Byd yn y gwaith:

Annog sgyrsiau

Defnyddiwch bosteri, e-byst, diweddariadau ar fewnrwyd, a chyfarfodydd tîm i godi ymwybyddiaeth.

Creu mannau diogel

Creu llefydd i weithwyr siarad am bethau yn breifat. Gallai’r rhain gynnwys:

• Grwpiau cymorth cyfoedion anffurfiol
• Sgyrsiau gwirio lles
• Ardaloedd tawel

Dylech ganiatáu i’r gweithwyr gysylltu’n breifat drwy flychau awgrymiadau neu fforymau ar-lein.

Darparu adnoddau

Rhannwch fanylion adnoddau y gall eich gweithwyr eu defnyddio i gael cefnogaeth. Gall hyn gynnwys:

• Llinellau cymorth
• Gwasanaethau cwnsela
• Apiau lles
• Rhaglenni Cymorth i Weithwyr (EAP)
• Cynlluniau lles mewnol.

Arwain drwy weithredu

Mae angen annog timau arwain a rheolwyr i siarad yn agored am iechyd meddwl a hyrwyddo amgylchedd cefnogol.

Iechyd meddwl yn y gwaith drwy gydol y flwyddyn

Fel cyflogwr, gallwch chwarae rhan hanfodol wrth leihau stigma a hyrwyddo iechyd meddwl a llesiant cadarnhaol.

Dyma rai pethau y gallwch chi eu gwneud drwy gydol y flwyddyn:

Gwirio iechyd a llesiant meddyliol

• Datblygu cynllun iechyd meddwl yn y gweithle
• Hyrwyddo diwylliant cadarnhaol a chefnogol yn y gweithle
• Rhannu adnoddau iechyd meddwl a llesiant gyda gweithwyr

Ewch i’n tudalen iechyd meddwl a llesiant am fwy o wybodaeth.

Darganfod mwy

I ddarganfod sut y gall eich gweithle gymryd rhan yn Niwrnod Iechyd Meddwl y Byd, ewch i wefan Sefydliad Iechyd y Byd (Saesneg yn unig).

Gallwch hefyd ddod o hyd i adnoddau gan y Sefydliad Iechyd Meddwl a Mind (Saesneg yn unig).

I gael y wybodaeth ddiweddaraf am ymgyrchoedd iechyd a lles drwy gydol y flwyddyn, cofrestrwch ar gyfer ein cylchlythyr.

• Ymgyrch