Diwrnod Iechyd y Byd

Mae Diwrnod Iechyd y Byd yn tynnu sylw at faterion iechyd ac yn hyrwyddo gweithredu i sicrhau llesiant gwell. Gall cyflogwyr ddefnyddio'r diwrnod i godi ymwybyddiaeth a chefnogi mentrau llesiant yn y gweithle.

Pam mae Diwrnod Iechyd y Byd yn bwysig i gyflogwyr

Gall cefnogi Diwrnod Iechyd y Byd gael effaith gadarnhaol ar eich gweithle a llesiant eich gweithwyr.

Trwy gefnogi’r diwrnod, gallwch:

• Wella llesiant yn y gweithle drwy hyrwyddo ffyrdd iachach o fyw
• Codi ymwybyddiaeth o faterion iechyd cyffredin a allai effeithio ar eich gweithwyr
• Meithrin diwylliant cadarnhaol yn y gweithle sy’n gwerthfawrogi iechyd ei weithwyr

Sut i ymgysylltu â staff ar Ddiwrnod Iechyd y Byd

Mae yna lawer o ffyrdd i gael eich gweithwyr i gymryd rhan ac annog gweithle iachach.

Dyma rai pethau y gallech chi eu gwneud:

Cael pobl i symud

Trefnu her camau hwyliog. Beth am gynnwys seibiannau egnïol byr yn ystod y dydd i helpu gweithwyr i gadw’n egnïol.

Cynnal sesiwn iechyd a llesiant

Gwahodd arbenigwr i mewn i roi sgwrs i’r gweithwyr. Gallai gweithwyr ddefnyddio’r cyfle hwn i ofyn cwestiynau am gadw’n iach.

Rhannu awgrymiadau syml i gadw’n iach

Defnyddio eich sianeli cyfathrebu â staff i rannu gwybodaeth, cyngor ac awgrymiadau am gadw’n iach.

Cynnig opsiynau iachach

Darparu opsiynau bwyd iach a mynediad hawdd i ddŵr. Gall gwneud hyn hyrwyddo gwell arferion bwyta ac yfed.

Cefnogi llesiant yn y gweithle y tu hwnt i Ddiwrnod Iechyd y Byd

Mae Diwrnod Iechyd y Byd yn ffordd wych o gychwyn y sgwrs. Ond bydd cefnogi iechyd a llesiant gweithwyr drwy gydol y flwyddyn yn cael effaith fwy a pharhaol.

Fel cyflogwr, gallwch:

Rhannu gwybodaeth iechyd

Defnyddio eich sianeli cyfathrebu i rannu gwybodaeth a chyngor yn rheolaidd am iechyd a llesiant.

Rhoi mynediad i adnoddau iechyd

Cyfeirio gweithwyr at sefydliadau dibynadwy fel y GIG (yn agor mewn ffenestr newydd) ac Iechyd Cyhoeddus Cymru (yn agor mewn ffenestr newydd) am gyngor a chefnogaeth iechyd dibynadwy.

Annog archwiliadau rheolaidd

Cefnogi eich gweithwyr i drefnu a mynychu unrhyw apwyntiadau meddygol. Gall hyn gynnwys sesiynau sgrinio iechyd (yn agor mewn ffenestr newydd).

Gwneud llesiant yn rhan o ddiwylliant y gweithle

Rhoi sylw i iechyd a llesiant wrth drefnu arferion dyddiol. Gall mentrau syml helpu gweithwyr i deimlo eu bod yn cael eu cefnogi.

Cymryd rhan

I ddarganfod sut y gall eich gweithle gymryd rhan yn Niwrnod Iechyd y Byd, ewch i wefan Sefydliad Iechyd y Byd (Saesneg yn unig, yn agor mewn ffenestr newydd).

I ddarganfod mwy am amrywiaeth o bynciau iechyd a llesiant, ewch i’n rhestr Iechyd A-Y. Gallwch hefyd gofrestru i dderbyn ein e-fwletin i gael diweddariadau.

• Ymgyrch