Diwrnod Iechyd y Geg y Byd

Dysgwch pam mae hylendid y geg yn bwysig a sut, fel cyflogwr, y gallwch godi ymwybyddiaeth, darparu cymorth, ac annog arferion da yn y gweithle.

Gwerth hyrwyddo Diwrnod Iechyd y Geg y Byd

Mae iechyd y geg da yn bwysig i’n llesiant. Mae cefnogi Diwrnod Iechyd y Geg y Byd yn gallu:

• Annog gwell hylendid y geg yn eich gweithle
• Lleihau diwrnodau salwch a achosir gan broblemau deintyddol y gellir eu hatal
• Helpu gweithwyr i sylwi ar broblemau deintyddol yn gynnar
• Creu diwylliant yn y gweithle sy’n gwerthfawrogi iechyd a llesiant ei weithwyr.

Yr hyn y gall cyflogwyr ei wneud

Dyma rai ffyrdd syml o annog eich gweithwyr i ofalu am eu dannedd a’u deintgig:

Rhannu cynghorion iechyd y geg

Rhoi cyngor hawdd ar frwsio, fflosio ac archwiliadau deintyddol rheolaidd.

Cynnal sesiwn iechyd deintyddol

Gwahodd arbenigwyr i rannu awgrymiadau ar arferion da ac atal problemau.

Darparu opsiynau iach

Cynnig dewisiadau bwyd iach fel ffrwythau, cnau a chynhyrchion llaeth yn lle byrbrydau llawn siwgr.

Annog hydradiad

Hyrwyddo dŵr yfed dros ddiodydd llawn siwgr i helpu i atal pydredd dannedd.

Codi ymwybyddiaeth o wasanaethau deintyddol y GIG

Rhannu gwybodaeth am sut i gael mynediad at ofal deintyddol fforddiadwy.

Cymryd Rhan

Dysgwch sut y gall eich gweithle gymryd rhan yn Niwrnod Iechyd y Geg y Byd a chael mynediad at adnoddau ar wefan Diwrnod Iechyd y Geg y Byd (Saesneg yn unig, yn agor mewn ffenestr newydd).

I gael y wybodaeth ddiweddaraf am ymgyrchoedd iechyd a llesiant, cofrestrwch i dderbyn ein e-fwletin.

• Ymgyrch