Diwrnod Rhyngwladol y Dynion

Gwybodaeth am y digwyddiad

Dyddiad
Gwefan
https://ukmensday.org.uk

Dysgwch sut y gall cyflogwyr ddefnyddio Diwrnod Rhyngwladol y Dynion i hyrwyddo pwysigrwydd iechyd a lles corfforol a meddyliol dynion yn y gweithle.

Manteision cefnogi Diwrnod Rhyngwladol y Dynion yn y gwaith

Mae Diwrnod Rhyngwladol y Dynion (IMD) yn rhoi cyfle i weithle i ddechrau sgyrsiau am iechyd dynion ac annog gweithwyr gwrywaidd i flaenoriaethu eu hiechyd a’u lles.

Mae creu diwylliant yn y gweithle sy’n annog sgwrs agored am iechyd a lles yn fuddiol i weithwyr a chyflogwyr fel ei gilydd.

Mae’r buddion yn y gweithle yn cynnwys:

  • Gwell perthynas â gweithwyr a’u cadw – mae gweithwyr yn fwy tebygol o deimlo bod y gweithle yn eu gwerthfawrogi a bod cydraddoldeb, amrywiaeth a chynhwysiant yn bwysig.
  • Gwellhad o ran lles y gweithwyr – gall IMD ysbrydoli a chychwyn sgwrs ynghylch iechyd meddwl a chorfforol dynion, lleihau stigma ac annog mynediad at wasanaethau cymorth
  • Cryfhau enw da cyflogwr – mae sefydliadau sy’n cefnogi cydraddoldeb rhywiol ac yn dathlu mentrau fel IMD yn fwy deniadol i’r rhai sy’n chwilio am waith, yn enwedig y rhai sy’n gwerthfawrogi gweithle cynhwysol

Cymerwch ran yn Diwrnod Rhyngwladol y Dynion yn y gwaith

Mae yna sawl ffordd y gall eich gweithle ddathlu Diwrnod Rhyngwladol y Dynion.

Dyma rai pethau y gallech chi eu gwneud:

Cynnwys gweithwyr mewn cynllunio

Cymerwch amser i gasglu gwybodaeth ar pa ddiddordebau sydd gan eich gweithwyr fel y gallwch eu cynnwys mewn trafodaethau gyda threfnu a hyrwyddo digwyddiadau a gweithgareddau.

Cynnal sgwrs neu sesiynau ‘cinio a dysgu’

Gwahodd arbenigwr i siarad â gweithwyr am iechyd dynion. Bydd hyn yn gyfle gwych i weithwyr holi unrhyw gwestiynau sydd ganddyn nhw.

Gallwch wahodd elusennau lleol sy’n canolbwyntio ar ddynion fel men’s sheds (Seasneg yn unig) i siarad am y gwaith maen nhw’n ei wneud.

Gwella ymwybyddiaeth ac annog sgyrsiau

Defnyddiwch sianeli cyfathrebu gweithwyr i rannu gwybodaeth a chyngor am iechyd a lles dynion.

Sefydlu ffyrdd i weithwyr siarad am eu hiechyd yn gyfrinachol. Gallai’r rhain gynnwys:

  • Grwpiau cymorth cyfoedion anffurfiol
  • Sgyrsiau gwirio lles
  • Ardaloedd tawel

Mae Tashwedd hefyd yn digwydd trwy gydol mis Tachwedd, sy’n golygu y gallwch ledaenu’ch gweithgareddau arfaethedig ar draws y mis.

Hyrwyddo iechyd dynion yn y gwaith drwy gydol y flwyddyn

Gall bod yn rhagweithiol a chefnogi iechyd dynion trwy gydol y flwyddyn gael effaith gadarnhaol ar eich gweithle.

Dyma rai pethau y gallwch chi eu gwneud yn eich gweithle:

Annog archwiliadau

Annog gweithwyr gwrywaidd i gael archwiliadau rheolaidd, gan gynnwys monitro pwysedd gwaed a cholesterol.

Hyrwyddo testicular self-checks (Saesneg yn unig) a rhoi amser i weithwyr i fynd i apwyntiad gwirio.

Annog ymddygiad iach

Gall hyrwyddo arferion iach gefnogi gweithwyr i wneud gwell dewisiadau o ran eu ffordd o fyw. Gall hyn gynnwys:

Annog sgyrsiau

Bod yn agored a normaleiddio sgyrsiau ynghylch iechyd corfforol a meddyliol.

Defnyddio posteri, e-byst, diweddariadau ar fewnrwyd, a chyfarfodydd tîm i wella ymwybyddiaeth.

Darganfod mwy

I wybod mwy sut y gall eich gweithle gymryd rhan a derbyn adnoddau y gallwch eu defnyddio, ewch i wefan International Men’s Day.

I dderbyn y wybodaeth ddiweddaraf am ymgyrchoedd iechyd a lles trwy gydol y flwyddyn, cofrestrwch i dderbyn ein cylchlythyr.


  • Ymgyrch