Diwrnod Rhyngwladol y Menywod
Gwybodaeth am y digwyddiad
- Dyddiad
Dysgwch sut y gall cyflogwyr ddefnyddio Diwrnod Rhyngwladol y Menywod i ddathlu menywod yn y gweithle a hyrwyddo iechyd a llesiant corfforol a meddyliol menywod yn y gwaith.
Gwerth cefnogi Diwrnod Rhyngwladol y Menywod yn y gwaith
Mae Diwrnod Rhyngwladol y Menywod yn rhoi cyfle i weithleoedd ddathlu gweithwyr benywaidd a dechrau sgyrsiau am iechyd a llesiant menywod.
Mae gweithle cadarnhaol sy’n annog cydraddoldeb rhywiol llwyr ac yn helpu gweithwyr i aros yn iach, yn hapus ac yn llawn cymhelliant yn dod â llawer o fanteision i weithwyr a chyflogwyr.
Dyma rai o’r manteision:
- Gwella cyfranogiad gweithwyr a sicrhau bod llai yn gadael
- Mwy o fenywod mewn rolau arweinyddiaeth
- Cryfhau enw da’r brand
Darganfyddwch fwy am gydraddoldeb, amrywiaeth a chynhwysiant yn y gwaith.
Cymryd rhan yn Niwrnod Rhyngwladol y Menywod yn y gwaith
Mae sawl ffordd y gall eich gweithle ddathlu Diwrnod Rhyngwladol y Menywod.
Dyma rai pethau y gallech chi eu gwneud:
Dathlu llwyddiant
Rhannu straeon llwyddiant gan fenywod sy’n gweithio ar draws eich sefydliad i ysbrydoli eraill.
Mae hefyd yn gyfle gwych i hyrwyddo cyfleoedd dysgu neu fentora.
Cynnal sgwrs neu sesiynau ‘cinio a dysgu’
Gwahodd arbenigwr i siarad â gweithwyr am iechyd menywod. Bydd hyn yn gyfle gwych i weithwyr holi unrhyw gwestiynau sydd ganddyn nhw.
Gallech hefyd wahodd elusennau lleol sy’n canolbwyntio ar fenywod i siarad am y gwaith maen nhw’n ei wneud.
Gwella ymwybyddiaeth ac annog sgyrsiau
Defnyddio sianeli cyfathrebu gweithwyr i rannu gwybodaeth a chyngor am iechyd a llesiant menywod.
Sefydlu ffyrdd i weithwyr siarad am eu hiechyd yn gyfrinachol. Gallai’r rhain gynnwys:
- Grwpiau cymorth cyfoedion anffurfiol
- Sgyrsiau gwirio lles
- Ardaloedd tawel
Adolygu polisïau
Manteisio ar y cyfle i adolygu eich polisïau cydraddoldeb, amrywiaeth a chynhwysiant ac adolygu cyflogau.
Gallech hefyd gynnal sesiynau gyda gweithwyr i wneud yn siŵr eu bod yn deall eich polisïau ac yn gallu cyfrannu at ddiweddariadau yn y dyfodol.
Diwrnod Rhyngwladol y Menywod
Nid yw Diwrnod Rhyngwladol y Menywod yn ymwneud ag un diwrnod penodol yn unig ond mae’n ymwneud â’r hirhoedledd wrth gymryd camau bach tuag at gael gwared ar ragfarn rhywedd. O weithwyr i gwsmeriaid a chleientiaid, mae pawb eisiau gweld eich busnes yn gwneud ymrwymiad gwirioneddol i degwch rhywedd.
Fel cyflogwr, dylech:
- Gydnabod gwahaniaeth rhwng y rhywiau fel mater parhaus
- Dangos ymrwymiad eich sefydliad hyd yn hyn
- Hyrwyddo eich ymrwymiadau arfaethedig dros y flwyddyn nesaf
Hyrwyddo iechyd menywod yn y gwaith drwy gydol y flwyddyn
Gall bod yn rhagweithiol a chefnogi iechyd menywod trwy gydol y flwyddyn gael effaith gadarnhaol ar eich gweithle.
Dyma rai pethau y gallwch chi eu gwneud yn eich gweithle:
Annog archwiliadau
Annog gweithwyr benywaidd i gael archwiliadau rheolaidd, gan gynnwys monitro pwysedd gwaed a cholesterol.
Hyrwyddo gwasanaethau sgrinio a rhoi amser i weithwyr i fynd i apwyntiadau ar gyfer archwiliadau.
Annog ymddygiad iach
Gall hyrwyddo arferion iach gefnogi gweithwyr i wneud gwell dewisiadau o ran eu ffordd o fyw. Gall hyn gynnwys:
Cynnig cymorth menopos
Cefnogi gweithwyr sy’n mynd trwy’r menopos yw’r peth iawn i’w wneud – ac mae’n bwysig hefyd er mwyn parhau i gydymffurfio’n gyfreithiol a chreu gweithle llwyddiannus, ffyniannus.
Dysgwch fwy am gymorth menopos yn y gweithle.
Dysgu mwy
Er mwyn darganfod sut y gall eich gweithle gymryd rhan a derbyn adnoddau y gallwch eu defnyddio, ewch i wefan Diwrnod Rhyngwladol y Menywod.
Er mwyn cael yr wybodaeth ddiweddaraf am ymgyrchoedd iechyd a llesiant trwy gydol y flwyddyn, cofrestrwch i dderbyn ein cylchlythyr.
- Ymgyrch