Mis Ymwybyddiaeth Canser y Fron

Dysgwch sut y gall cyflogwyr ddefnyddio Mis Ymwybyddiaeth Canser y Fron i hyrwyddo ymwybyddiaeth o symptomau canser y fron a phwysigrwydd hunan-wiriadau a sgrinio.

Gwerth cefnogi Mis Ymwybyddiaeth Canser y Fron yn y gwaith

Gall unrhyw un gael canser y fron, gan gynnwys dynion. Dewch i’r arfer o wirio’ch hun trwy roi nodyn atgoffa yn eich ffôn neu ddyddiadur.

Fel cyflogwr, mae cefnogi gweithwyr y mae canser y fron yn effeithio arnynt, p’un a ydyn nhw wedi cael diagnosis eu hunain neu’n gofalu am rywun, yn mynd y tu hwnt i godi ymwybyddiaeth.

Trwy gynnig y cymorth cywir, gallwch helpu eich gweithwyr i deimlo eu bod yn cael eu gwerthfawrogi, yn cael gofal, ac yn gallu rheoli eu hiechyd a’u llesiant.

Cael eich gweithle i gymryd rhan ym mis Ymwybyddiaeth Canser y Fron

Dyma rai pethau y gallwch chi ystyried eu gwneud yn eich gweithle yn ystod Mis Ymwybyddiaeth Canser y Fron:

Gwisgo pinc

Pinc yw lliw swyddogol Mis Ymwybyddiaeth Canser y Fron. Gallech annog staff i wisgo pinc i’r gwaith neu ymgorffori’r lliw i weithgareddau yn y gweithle.

Trefnu digwyddiad

Gall codi arian fod yn weithgaredd hwyliog ac iach yn y gweithle neu y tu allan i’r gweithle. O foreau coffi, teithiau cerdded noddedig neu werthu cacennau, mae yna lawer o ffyrdd i gymryd rhan. Gall gweithgareddau fel hyn fod yn dda hefyd ar gyfer morâl a lles gweithwyr.

Gallwch gofrestru ar gyfer gan Breast Cancer Now (Saesneg yn unig).

Hyrwyddo sgrinio’r fron

Hyrwyddo sgrinio’r fron ac annog sgwrs agored am iechyd y fron.

Os oes gennych weithwyr sydd â rôl weithredol i hyrwyddo iechyd yn eich gweithle, gallant gofrestru ar gyfer sesiwn ymwybyddiaeth sgrinio Iechyd Cyhoeddus Cymru.

Hyrwyddo ymwybyddiaeth drwy gydol y flwyddyn

Gall cymryd camau bach helpu i greu gweithle lle mae’ch gweithwyr yn teimlo’n wybodus, yn cael eu cefnogi a’u grymuso i ofalu am eu hiechyd.

Dyma rai pethau y gallwch chi eu gwneud drwy gydol y flwyddyn:

Codi ymwybyddiaeth am ganfod canser yn gynnar

Rhannu gwybodaeth glir am symptomau ahunan-wiriadau.

Annog sgyrsiau agored

Creu gweithle lle mae siarad am iechyd yn cael ei annog a’i gefnogi.

Rhannu gwybodaeth am Fis Ymwybyddiaeth Canser y Fron drwy sianeli cyfathrebu â staff.

Dangos eich bod yn malio

Gwneud materion iechyd yn rhan allweddol o’ch cynlluniau llesiant yn y gweithle.

Dangos ble i gael cymorth

Sicrhau bod eich staff yn gwybod ble i ddod o hyd i gyngor a chymorth dibynadwy.

Mae rhagor o wybodaeth am ganser y fron a gwasanaethau sgrinio Bron Brawf Cymru ar gael ar wefan Iechyd Cyhoeddus Cymru.

Darganfod mwy

Am fwy o wybodaeth am sut y gall eich gweithle gymryd rhan ym Mis Ymwybyddiaeth Canser y Fron a chael adnoddau y gallwch eu defnyddio, ewch i wefan Breast Cancer Now (Saesneg yn unig).

I gael y wybodaeth ddiweddaraf am ymgyrchoedd iechyd a lles drwy gydol y flwyddyn, cofrestrwch ar gyfer ein cylchlythyr.

• Ymgyrch