Mis Ymwybyddiaeth o Ganser y Croen

Dysgwch sut i helpu gweithwyr i ddeall risgiau amlygiad i'r haul a phwysigrwydd amddiffyn eu croen.

Gwerth hyrwyddo diogelwch yn yr haul yn y gweithle

Fel cyflogwr, mae yna bethau y gallwch chi eu gwneud i helpu i amddiffyn gweithwyr rhag niwed o’r haul. Trwy annog diogelwch yn yr haul, gallwch:

• Leihau’r risg o losg haul a niwed hirdymor i’r croen
• Lleihau salwch sy’n gysylltiedig â’r haul, ac amser i ffwrdd o’r gwaith
• Gwella llesiant gweithwyr drwy godi ymwybyddiaeth o amddiffyniad UV
• Dangos ymrwymiad i iechyd a diogelwch yn y gweithle
• Hyrwyddo diwylliant yn y gweithle sy’n gwerthfawrogi iechyd a llesiant

Hyrwyddo Mis Ymwybyddiaeth o Ganser y Croen yn y gwaith

Mae Mis Ymwybyddiaeth o Ganser y Croen yn rhoi cyfle i chi hyrwyddo ymwybyddiaeth o ganser y croen a’r arwyddion i’w hadnabod.

Dyma rai ffyrdd y gallwch chi ymgysylltu â’ch gweithwyr yn ystod y mis:

Codi ymwybyddiaeth

Gadael i weithwyr wybod ei fod yn Fis Ymwybyddiaeth o Ganser y Croen gan eu hannog i gymryd rhan.

Rhannu adnoddau

Rhannu awgrymiadau hawdd eu deall ar risgiau canser y croen ac amddiffyniad rhag hynny.

Darparu sesiynau addysgol

Gwahodd arbenigwyr i siarad am ddiogelwch yn yr haul a sut i adnabod arwyddion cynnar o ganser y croen.

Hyrwyddo diogelwch yn yr haul yn y gwaith drwy gydol y flwyddyn

Mae yna bethau y gallwch chi eu gwneud i hyrwyddo diogelwch yn yr haul trwy gydol y flwyddyn. Dyma rai camau syml a all wneud gwahaniaeth mawr:

Darparu amddiffyniad rhag yr haul

Cynnig eli haul, hetiau a dillad amddiffyn rhag UV, yn enwedig ar gyfer gweithwyr awyr agored.

Annog gwiriadau croen

Atgoffa eich gweithwyr i wirio eu croen a gofyn am gyngor meddygol os byddan nhw’n sylwi ar newidiadau.

Cefnogi gweithwyr awyr agored

Darparu mannau gorffwys cysgodol a threfnu seibiannau pan fydd yr haul ar ei gryfaf.

Darganfyddwch fwy ar ein gwefan diogelwch yn yr haul.

Darganfod mwy

Darganfyddwch sut y gall eich gweithle gymryd rhan ym Mis Ymwybyddiaeth o Ganser y Croen a chael mynediad at adnoddau ar wefan Macmillan (Saesneg yn unig).

I gael gwybodaeth am ymgyrchoedd iechyd a lles trwy gydol y flwyddyn, cofrestrwch i dderbyn ein cylchlythyr.

• Ymgyrch