Tashwedd/Movember

Gwybodaeth am y digwyddiad

Dyddiad
Gwefan
https://uk.movember.com/

Dysgu sut y gall cyflogwyr ddefnyddio’r ymgyrch Tashwedd/Movember i wella ymwybyddiaeth o iechyd dynion yn y gweithle ac i annog gweithwyr i siarad am eu hiechyd meddyliol a chorfforol.

Gwerth cefnogi Tashwedd/Movember yn y gweithle

Mae Tashwedd/Movember yn gyfle i ddynion yn y gweithlu ofalu am eu hiechyd ac i newid sut rydym yn meddwl am iechyd dynion.

Dyma rai manteision o gefnogi Tashwedd/Movember yn y gweithle:

  • Gwell iechyd meddwl a lles i’ch gweithwyr
  •  Gall cefnogi dynion eu helpu i fyw’n iachach
  •  Gall sgyrsiau agored feithrin perthnasau cadarnhaol yn y gwaith, gan leihau straen yn y gweithle

Cyflwyno Tashwedd/Movember i’ch gweithle chi

Mae sawl ffordd y gall eich gweithle gymryd rhan yn Tashwedd/Movember.

Dyma rai pethau y gallech chi eu gwneud:

Gwella ymwybyddiaeth ac annog sgyrsiau

Defnyddio sianeli cyfathrebu eich gweithwyr i rannu gwybodaeth a chyngor am Tashwedd/Movember ac iechyd dynion trwy gydol y mis.

Sefydlu ffyrdd i weithwyr siarad am eu hiechyd yn gyfrinachol. Gallai’r rhain gynnwys:

  • Grwpiau cymorth cyfoedion anffurfiol
  • Sgyrsiau gwirio lles
  • Ardaloedd tawel

Cynnal sgwrs neu sesiynau ‘cinio a dysgu’

Gwahodd arbenigwr i siarad â gweithwyr am iechyd dynion. Bydd hyn yn gyfle gwych i weithwyr holi unrhyw gwestiynau sydd ganddynt.

Heriau yn y gweithle

Annog dynion i dyfu mwstas fel rhan o’r her Tashwedd/Movember. Gallech gynnal cystadleuaeth gyfeillgar i weld pwy all dyfu’r mwstas gorau.

Gall heriau ffitrwydd fod yn ffordd dda o ysgogi gweithwyr i symud mwy. Mae bod yn egnïol yn hanfodol i’n iechyd corfforol a meddyliol. Dysgwch fwy am iechyd meddwl a lles yn y gwaith.

Dysgwch fwy am Movember/Tashwedd yn y gweithle (Saesneg yn unig).

Hyrwyddo iechyd dynion yn y gwaith drwy gydol y flwyddyn

Gall bod yn rhagweithiol a chefnogi iechyd dynion trwy gydol y flwyddyn gael effaith gadarnhaol ar eich gweithle.

Dyma rai pethau y gallwch chi eu gwneud yn eich gweithle:

Annog archwiliadau

Annog dynion i fynd am archwiliadau rheolaidd, gan gynnwys monitro pwysedd gwaed a cholesterol.

Annog dynion i wirio eu ceilliau a rhoi amser i weithwyr fynd i apwyntiadau gwirio.

Annog ymddygiad iach

Gall hyrwyddo arferion iach gefnogi gweithwyr i wneud gwell dewisiadau o ran eu ffordd o fyw. Gall hyn gynnwys:

Annog sgyrsiau

Bod yn agored a normaleiddio sgyrsiau ynghylch iechyd corfforol a meddyliol.

Defnyddio posteri, e-byst, diweddariadau ar fewnrwyd, a chyfarfodydd tîm i wella ymwybyddiaeth.

Darganfod mwy

I ddarganfod sut y gall eich gweithle gymryd rhan, ewch i wefan Tashwedd/Movember (Saesneg yn unig).

I gael y wybodaeth ddiweddaraf am ymgyrchoedd iechyd a lles drwy gydol y flwyddyn, cofrestrwch ar gyfer ein cylchlythyr.


  • Ymgyrch