Cydraddoldeb, amrywiaeth a chynhwysiant yn y gwaith

Fel cyflogwr, gwneud yn siŵr bod pawb yn cael cyfle teg mewn cyfleoedd gwaith:

• Adolygu hysbysebion swyddi i sicrhau eu bod yn groesawgar i bawb, waeth beth fo’u cefndir neu nodweddion penodol
• Hysbysebu swyddi gwag mewn lleoedd newydd i gyrraedd ymgeiswyr mwy amrywiol
• Olrhain amrywiaeth ymgeiswyr a newid eich dulliau recriwtio os oes angen
• Cynnig opsiynau gweithio hyblyg fel gwaith rhan-amser neu o bell i gefnogi rhieni a gofalwyr
• Sicrhau bod eich gweithle yn gynhwysol drwy gael pethau fel ystafelloedd ymolchi rhywedd-niwtral i bawb, er enghraifft.

Creu amgylchedd lle mae pawb yn teimlo eu bod yn cael eu gwerthfawrogi a’u parchu trwy:

• Ddefnyddio arolygon staff ac adborth i wella tegwch a diweddaru polisïau
• Adolygu cyflogau a dyrchafiadau yn rheolaidd ac addasu er mwyn sicrhau tegwch
• Hyfforddi rheolwyr i gynnig cefnogaeth ac addasiadau pan fo angen, fel amser ychwanegol ar gyfer tasgau
• Ymuno â rhaglenni cynwysoldeb a chefnogi addewidion cydraddoldeb ar gyfer achosion fel oed (Saesneg yn unig) neu’r menopos (Saesneg yn unig), er enghraifft
• Darparu cyfleoedd i grwpiau sydd heb gynrychiolaeth ddigonol drwy rwydweithiau, mentora a datblygu
• Sicrhau bod digwyddiadau gwaith yn gynhwysol drwy gynnig bwyd sy’n diwallu gwahanol anghenion crefyddol a diwylliannol.

Helpu i wneud eich gweithle yn fwy diogel, yn decach ac yn fwy cynhyrchiol trwy:

• Diweddaru polisïau yn rheolaidd i hyrwyddo tegwch a chydraddoldeb i bawb
• Creu polisïau sy’n cefnogi anghenion penodol, fel y menopos neu absenoldeb rhiant
• Cynnig hyfforddiant Cydraddoldeb, Amrywiaeth a Chynhwysiant i bob gweithiwr, gan gynnwys am y Model Cymdeithasol o Anabledd
• Cymryd safiad cryf yn erbyn gwahaniaethu, aflonyddu a bwlio, a sicrhau bod pawb yn gwybod sut i roi gwybod am faterion
• Hyfforddi rheolwyr i gymhwyso addasiadau rhesymol yn deg
• Dilyn polisïau iechyd a diogelwch a chynnal asesiadau risg (Saesneg yn unig) pan fo angen.