Cymorth gyda’r menopos yn y gwaith

Mae’r menopos yn broses heneiddio naturiol a brofir gan fenywod wrth i lefelau oestrogen ostwng. Fel arfer mae’n digwydd rhwng 45 a 55 oed ond gall ddigwydd y tu allan i’r ystod oedran hon.

Efallai y bydd rhai menywod yn sylwi ar symptomau yn eu 20au neu 30au yn ystod y perimenopos. Dyma’r cyfnod pan fydd symptomau’r menopos yn ymddangos, ond nid yw’r mislif wedi stopio eto. Gall y symptomau hyn barhau am nifer o flynyddoedd.

Gall y menopos effeithio ar ddynion traws, pobl anneuaidd a rhai menywod traws hefyd. Felly, mae’n bwysig cael arferion gweithle cynhwysol i gefnogi pawb.

Nid yw profiadau menywod i gyd yr un fath. Mae’n bwysig cynnig cefnogaeth sy’n diwallu anghenion unigryw pob unigolyn.

Gall symptomau cyffredin y menopos – fel pyliau o wres, blinder, aflonyddwch cwsg, poen yn y cymalau a niwl meddwl – effeithio’n sylweddol ar gynhyrchiant, presenoldeb a llesiant yn y gwaith.

Mae astudiaethau’n dangos y gall y menopos arwain at:

• Hyder is
• Problemau rheoli amser
• Problemau cof
• Llai o gynhyrchiant
• Newid mewn hwyliau
• Gorbryder
• Hunan-barch isel

Dysgwch fwy am symptomau drwy ymweld ag adnoddau Cymdeithas Fawcett (Saesneg yn unig) a Triniaeth Deg i Fenywod Cymru (Saesneg yn unig).

Adolygwyd y dudalen hon ddiwethaf: 31st Mawrth 2025