Cyngor tywydd poeth ar gyfer gweithleoedd

Yr hyn y gall cyflogwyr ei wneud

Mae gan gyflogwyr rôl bwysig wrth greu amodau sy’n ei gwneud hi’n haws i weithwyr gadw’n ddiogel ac yn iach yn ystod gwres eithafol.

Mae camau gweithredu sy’n cefnogi tegwch a diogelwch yn cynnwys:

Rhoi canllawiau ar sut i aros wedi’ch hydradu a chadw’n oer

Rhannwch gyngor clir gyda staff ynghylch yfed dŵr yn rheolaidd a defnyddio dulliau oeri fel ffaniau neu liain llaith.

Ceisiwch gadw’n oer trwy gau llenni neu fleindiau yn ystod y dydd ac agor ffenestri gyda’r nos pan mae’n oerach y tu allan.

Annog staff i osgoi’r rhannau poethaf o’r dydd pan fo’n bosibl

Awgrymwch addasu amserlenni fel bod tasgau yn yr awyr agored neu dasgau anodd yn cael eu gwneud yn yr oriau oerach yn y bore neu gyda’r nos.

Caniatáu oriau gwaith hyblyg neu seibiannau ychwanegol yn ystod tonnau gwres

Rhowch yr opsiwn i staff ddechrau’n gynharach, gorffen yn hwyrach, neu gymryd seibiannau ychwanegol i orffwys ac ailhydradu.

Sicrhau bod gweithleoedd wedi’u hawyru’n dda neu wedi’u hoeri’n dda

Defnyddiwch ffaniau neu beiriannau aerdymheru, neu agorwch ffenestri lle mae’n ddiogel er mwyn cadw’r tymheredd y tu mewn ar lefel gyfforddus.

Gwnewch yn siŵr bod staff yn gallu cael dŵr yfed, offer oeri a mynd i fannau cysgodol neu oer yn hawdd yn ystod y dydd.

Gwneud addasiadau rhesymol ar gyfer gweithwyr anabl neu’r rhai sydd â chyflyrau iechyd

Nodwch unrhyw gymorth ychwanegol sydd ei angen, fel mannau gorffwys, dyletswyddau wedi’u haddasu, neu gymorth i symud o gwmpas yn ddiogel.

Codi ymwybyddiaeth o risgiau sy’n gysylltiedig â gwres a rhannu cyngor diogelwch

Atgoffwch staff yn rheolaidd am arwyddion straen gwres a’r camau y gallant eu cymryd i amddiffyn eu hunain.

Hyfforddi rheolwyr i adnabod arwyddion o straen gwres

Helpwch oruchwylwyr i ddeall sut i adnabod symptomau fel pendro, teimlo’n gyfoglyd, neu ddryswch a chymryd camau prydlon.

Annog staff i roi gwybod os ydyn nhw’n teimlo’n sâl neu angen cymorth

Hyrwyddwch ddiwylliant lle mae gweithwyr yn teimlo’n gyfforddus i godi’r mater os ydynt yn cael trafferth gyda’r gwres.

Mae rhagor o gyngor ar gael gan Iechyd Cyhoeddus Cymru ac ACAS (Saesneg yn unig).

Cofiwch: arhoswch yn oer, arhoswch mewn cysylltiad, ac arhoswch yn ddiogel. Mae cymorth ar gael os oes ei angen arnoch.

Adolygwyd y dudalen hon ddiwethaf: 18th Rhagfyr 2025