Gweithleoedd cynaliadwy

Gall lleihau’r defnydd o ynni a newid i ffynonellau adnewyddadwy leihau costau wrth helpu’r amgylchedd.

Gall ailgylchu, ailddefnyddio deunyddiau ac osgoi plastigau untro ostwng lefelau gwastraff yn sylweddol. Annog defnyddio wpanau a chynwysyddion bwyd y gellir eu hailddefnyddio yn y gwaith a darparu ffyrdd o ailgylchu yn y gwaith.

Gellir gwneud gweithleoedd yn wyrddach trwy ddefnyddio offer arbed ynni a defnyddio golau ac awyru naturiol. Gallwch hefyd wella ansawdd aer trwy gael planhigion yn eich gweithle.

Gall annog beicio i’r gwaith neu ddefnyddio trafnidiaeth gyhoeddus helpu i leihau allyriadau carbon. Darganfyddwch fwy am weithleoedd egnïol.

Gall darparu raciau beic, cawodydd, ac opsiynau gwaith hyblyg wneud cymudo’n wyrddach. Darganfyddwch fwy am fanteision gweithio hyblyg.

Gall cefnogaeth iechyd meddwl, cyfarfodydd sefyll neu gerdded a gweithgareddau tîm awyr agored wella iechyd gweithwyr wrth atgyfnerthu meddylfryd cynaliadwy. Darganfyddwch fwy am iechyd meddwl a llesiant.

Darparu opsiynau bwyd iach, lleol mewn ffreuturau yn y gweithle, neu beiriannau gwerthu. Darganfyddwch fwy am fanteision bwyta’n dda.

Cynnig hyfforddiant a rhannu adnoddau i helpu i wreiddio cynaliadwyedd yn niwylliant y gweithle. Mae llawlyfr Go Green at Work (Saesneg yn unig) y TUC yn ganllaw ymarferol i gynrychiolwyr undebau llafur sydd am weithredu yn y gweithle.

Gall cyflogwyr hefyd ymgysylltu â phrosiectau amgylcheddol lleol ac annog staff i gymryd rhan mewn mentrau gwyrdd.

Gallwch osod nodau cynaliadwyedd, olrhain eich cynnydd a dathlu eich cyflawniadau.

Gall gwneud hyn eich helpu i sicrhau gwelliannau parhaus yn eich gweithle.