Iechyd cyhyrysgerbydol yn y gweithle

Darganfyddwch strategaethau ymarferol i atal anafiadau cyhyrysgerbydol yn y gweithle, cefnogi llesiant gweithwyr a hybu cynhyrchiant.

Yn yr adran hon:

Fel cyflogwr, gallwch ddefnyddio’r strategaethau hyn i helpu i atal a rheoli cyflyrau cyhyrysgerbydol yn eich gweithle.

Lleihau risgiau cyflyrau cyhyrysgerbydol

Cynnwys atal cyhyrysgerbydol yn eich cynlluniau iechyd a diogelwch. Darllen ein canllawiau ar iechyd a diogelwch i gael rhagor o wybodaeth
Cynnal asesiadau risg wedi’u teilwra ar gyfer pob maes gwaith. Ymweld â gwefan yr Awdurdod Gweithredol Iechyd a Diogelwch (Saesneg yn unig) i gael arweiniad penodol i’r diwydiant
Darparu hyfforddiant i leihau risgiau MSK, megis trin â llaw a gosod gweithfannau diogel, gan gynnwys defnyddio ac ymddygiad cyfarpar sgrin arddangos (DSE) asesiadau DSE (Saesneg yn unig) fel y bo angen, Gweler y Canllaw HSE Gweithio’n ddiogel gyda chyfarpar sgrîn arddangos (Saesneg yn unig) am ragor o arweiniad.
Penodi hyrwyddwyr llesiant gweithwyr i hyrwyddo iechyd cyhyrysgerbydol. Mae yna lawer o adnoddau (Saesneg yn unig) a phecynnau cymorth (Saesneg yn unig) ar-lein am ddim ar gael i’w cefnogi.

Annog ymddygiad iach yn y gwaith

Defnyddio arolygon llesiant i nodi risgiau a gweithio gyda gweithwyr i fynd i’r afael â nhw
Gall straen achosi tensiwn cyhyrol ac ymddygiadau nad ydyn nhw’n iach fel peidio â chymryd egwyl. Ymweld â’n tudalen straen i ddod o hyd i strategaethau i leihau straen yn y gweithle
Gall cynnal pwysau iach leihau’r risg o gyflyrau cyhyrysgerbydol. Ymweld â’n tudalen Bwyta’n Iach i ddod o hyd i ffyrdd o hyrwyddo bwyta’n iach yn eich gweithle.

Cefnogi gweithwyr â chyflyrau cyhyrysgerbydol

Hyfforddi rheolwyr i gael sgyrsiau agored am gyflyrau cyhyrysgerbydol. Bydd hyn yn annog gweithwyr i roi gwybod am gyflyrau a chanfod atebion yn fuan
Gweithio gyda gweithwyr i adolygu eu hanghenion a gwneud addasiadau rhesymol. Gallai hyn gynnwys newidiadau i weithfannau, rolau neu amserlenni
Cefnogi gweithwyr i reoli eu cyflyrau drwy ganiatáu amser ar gyfer apwyntiadau iechyd ac annog ymddygiad iach
Cyfeirio gweithwyr at gynghorwyr iechyd galwedigaethol i gael cyngor wedi’i deilwra ar addasiadau yn y gweithle. Darganfod sut y gall gwasanaethau cymorth yn y gwaith gefnogi gweithwyr
Darparu offer arbenigol, fel desgiau sefyll neu offer ergonomeg, i gefnogi gweithwyr. Archwilio opsiynau ariannu fel y grant Mynediad at Waith.

Bydd ein gweminar yn eich helpu i ddatblygu sgiliau a hyder i fynd i’r afael â chyflyrau iechyd MSK yn eich sefydliad.

Adolygwyd y dudalen hon ddiwethaf: 25th Gorffennaf 2025