Y defnydd o alcohol yn y gweithle

Mae rheoli’r defnydd o alcohol yn y gweithle yn hanfodol ar gyfer cynnal amgylchedd iach, diogel a chynhyrchiol.

Gall defnyddio alcohol arwain at;

• absenoldeb
• llai o ganolbwyntio
• damweiniau yn y gweithle
• gwneud penderfyniadau gwael
• perthnasoedd dan straen yn y gwaith

Mae ymchwil gan yr IPPR (Saesneg yn unig) wedi canfod:

• Mae yfed mwy ac yfed risg uchel yn cael effaith glir ar gynhyrchiant yn y gweithle
• Mae gweithwyr sy’n yfed mwy na’r canllawiau wythnosol a argymhellir yn gyson 1.4 gwaith yn fwy tebygol o brofi presenoliaeth (bod yn y gwaith ond heb fod yn gwbl gynhyrchiol oherwydd salwch, straen, neu lesiant gwael)
• Mae gweithwyr sy’n cymryd rhan mewn yfed risg uchel bob dydd dros dair gwaith yn fwy tebygol o brofi presenoliaeth
• Mae bron i un o bob tri o weithwyr wedi peidio dod i’r gwaith am eu bod yn sâl, ac mae un o bob pump wedi gweithio gyda chur pen, ar ôl yfed mewn digwyddiadau gwaith neu gyda chydweithwyr

Am wybodaeth am ddeall yr iaith sy’n ymwneud â defnyddio alcohol, ewch i wefan Alcohol Change (Saesneg yn unig).

Mae manteision mynd i’r afael â defnyddio alcohol yn rhagweithiol yn y gwaith

Diwylliant gweithle cadarnhaol

Gall cyflogwyr hyrwyddo diwylliant o gefnogaeth yn hytrach na stigma.

Gall darparu addysg, polisïau clir a mynediad at gymorth cyfrinachol annog gweithwyr i gael cefnogaeth heb ofni cael eu barnu. Mae hyn yn helpu i leihau absenoldeb, gwella morâl y tîm a gwella llesiant cyffredinol.

Manteision ariannol

Mae llai o absenoldeb salwch is, llai o ddigwyddiadau diogelwch a chynhyrchiant gwell i gyd yn cyfrannu at weithlu mwy effeithlon.

Mae cefnogi gweithwyr trwy heriau sy’n gysylltiedig ag alcohol hefyd yn helpu i feithrin teyrngarwch a lleihau trosiant staff, gan arbed costau recriwtio a hyfforddi.

Adolygwyd y dudalen hon ddiwethaf: 18th Tachwedd 2025