Ymgysylltu â natur

Mae ymgysylltu â natur yn ffordd o ddisgrifio pa mor agos rydym yn teimlo at y byd naturiol. Mae’n ymwneud â mwy na dim ond treulio amser yn yr awyr agored – mae’n ymwneud â theimlo fel ein bod ni’n rhan o fyd natur. Pan fydd pobl yn teimlo’n gysylltiedig â natur, byddant yn aml yn profi emosiynau mwy cadarnhaol, yn teimlo’n dawelach eu meddyliau a bydd ganddynt ymdeimlad cryfach o lesiant.

Pan fydd gweithleoedd yn cefnogi ymgysylltu â natur, gall wneud gwahaniaeth mawr i sut mae gweithwyr yn teimlo. Gall gweithle sy’n annog treulio amser ym myd natur helpu staff i aros yn iachach, yn hapusach, ac yn fwy brwdfrydig yn eu swyddi.

Mae treulio dim ond dwy awr yr wythnos ym myd natur yn gysylltiedig ag iechyd a llesiant llawer uwch. Mae ymchwil ddiweddar wedi nodi pum llwybr i gysylltu â byd natur. Mae’r rhain yn cynnwys:-

• Defnyddio ein synhwyrau
• Myfyrio ar sut mae natur yn gwneud i ni deimlo
• Sylwi ar harddwch natur
• Archwilio’r ystyr y mae natur yn ei roi i’r byd
• Teimlo tosturi ar gyfer natur

Mae gan sefydliad sydd wedi cysylltu â natur effeithiau y tu hwnt i’r sefydliadau eu hunain. Mae’n annog ffordd o feddwl sy’n gwerthfawrogi sut mae pobl a natur yn dibynnu ar ei gilydd. Mae hefyd yn helpu mwy o bobl i ddeall sut y gall bod yn agos at natur wneud bywyd yn well.

Adolygwyd y dudalen hon ddiwethaf: 9th Gorffennaf 2025