Rhaglen Mentora Cymheiriaid

Yn Cymru Iach ar Waith, rydyn ni’n gwybod bod gweithleoedd iach yn creu timau hapusach a mwy cynhyrchiol.

Tabl cynnwys:

Rydym yn lansio Cam 1 ein Rhaglen Mentora Cymheiriaid newydd, a fydd yn dod â chyflogwyr ledled Cymru ynghyd i rannu profiadau real, cyngor ymarferol, a dulliau sydd wedi ennill eu plwy’ o wella lles yn y gweithle.

Mae’r cam cyntaf hwn yn ymwneud â chasglu datganiadau o ddiddordeb gan gyflogwyr sydd am helpu i lunio’r rhaglen a dylanwadu ar sut y gall mentora cymheiriaid gefnogi gweithleoedd yng Nghymru orau.

Gwybodaeth am y Rhaglen

Mae’r Rhaglen Mentora Cymheiriaid yn gynnig hybrid, sy’n paru cyflogwyr yn seiliedig ar ffactorau fel diwydiant, lleoliad, neu nodau llesiant penodol.

Trwy arweiniad gan Cymru Iach ar Waith, bydd gan bob partneriaeth fentora:

  • Ddisgwyliadau clir
  • Canllawiau cam wrth gam
  • Mynediad at hyfforddiant, offer, adnoddau a chefnogaeth gan gynghorydd Iechyd a Llesiant i helpu’r berthynas fentora i weithio’n dda

Gall y cyfranogwyr benderfynu sut maen nhw’n cwrdd, naill ai ar-lein neu wyneb yn wyneb, a pha mor aml, yn dibynnu ar eu hanghenion a’u hargaeledd. Gallant hefyd ddewis y fformat sy’n gweithio orau iddyn nhw, boed hynny’n mentora unigol neu’n mentora grŵp, yn dibynnu ar faint a chapasiti eu sefydliad.

Y nod yw datblygu rhwydwaith parhaol lle gall cyflogwyr ddysgu oddi wrth ei gilydd, rhannu’r hyn sy’n gweithio, a gwneud llesiant yn rhan arferol o ddiwylliant bob dydd yn y gweithle.

Trawsgrifiad – Trosolwg o’r Rhaglen Mentora Cymheiriaid

Yn Cymru Iach ar Waith, rydym yn gwybod bod creu gweithleoedd iachach yn arwain at dimau hapusach a mwy cynhyrchiol.

I gefnogi busnesau gyda hyn, mae ein Rhaglen Mentora Cymheiriaid yn cysylltu cyflogwyr ledled Cymru i rannu profiad o’r byd go iawn, gwybodaeth ymarferol a dulliau profedig o ran lles yn y gweithle.

Mae cyflogwyr wedi’u cysylltu yn seiliedig ar ystod o ffactorau fel diwydiant, angen neu leoliad.

Gyda chefnogaeth ac arweiniad gan Cymru Iach ar Waith, mae disgwyliadau’n glir ac mae perthnasoedd yn cael eu hadeiladu i lwyddo.

Mae gwiriadau rheolaidd, adolygiadau cynnydd ac arweiniad arbenigol yn sicrhau bod mentora yn effeithiol, gan helpu busnesau i roi lles wrth wraidd eu gweithle.

P’un a ydych chi’n edrych i dyfu mewn maes iechyd a lles penodol, neu’n barod i rannu eich profiad i gefnogi eraill, ymunwch â’r Rhaglen Mentora Cymheiriaid heddiw gyda Cymru Iach ar Waith.

Pam y dylech gymryd rhan nawr

Drwy ymuno ar y cam cyntaf hwn, byddwch yn helpu i lunio sut mae’r rhaglen lawn yn datblygu. Bydd cyfle gennych i ddylanwadu ar ei chyfeiriad a sicrhau ei bod yn diwallu anghenion cyflogwyr ledled Cymru.

P’un a ydych chi eisiau cryfhau dull eich sefydliad o ymdrin ag iechyd a llesiant, neu’n dymuno rhannu eich profiad eich hun i gefnogi eraill, dyma’ch cyfle i gymryd rhan o’r cychwyn cyntaf.

Cofrestru eich diddordeb i fod yn rhan o Gam 1

Cysylltwch â ni i roi gwybod inni fod gennych ddiddordeb mewn ymuno â’r Rhaglen Mentora Cymheiriaid. 

Byddwn yn cysylltu â chi i rannu rhagor o fanylion wrth i’r rhaglen ddatblygu.