Cefnogi gweithwyr sydd wedi colli eu golwg neu rywfaint o’u golwg

Mae adroddiad Employment of People with Sight Loss Sefydliad Cenedlaethol Brenhinol Pobl Ddall (2022) (Saesneg yn unig) yn tynnu sylw at y bwlch cyflogaeth parhaus ar gyfer pobl sydd wedi colli eu golwg neu rywfaint o’u golwg yn y DU.

Mae creu amgylchedd cefnogol yn helpu sefydliadau i:

• Sicrhau bod gweithwyr sydd wedi colli eu golwg neu rywfaint o’u golwg yn cael cyfleoedd cyfartal i lwyddo
• Cael gwared ar rwystrau fel bod pawb yn gallu cymryd rhan lawn
• Dangos ymrwymiad i degwch a chynhwysiant

Pan mae gweithleoedd yn hygyrch ac yn gynhwysol, mae staff yn gallu cyfrannu eu sgiliau, eu gwybodaeth a’u profiad yn well.

Darganfyddwch fwy am gydraddoldeb, amrywiaeth a chynhwysiant yn y gwaith.

Mae cefnogi staff sydd wedi colli eu golwg neu rywfaint o’u golwg yn helpu gweithleoedd i:

• Gadw gwybodaeth a phrofiad gwerthfawr
• Lleihau costau recriwtio a hyfforddi
• Cynnal sefydlogrwydd a pharhad tîm

Mae gwelliannau a wneir ar gyfer hygyrchedd yn aml o fudd i bob gweithiwr. Gall dulliau cynhwysol helpu gweithleoedd i:

• Wella hygyrchedd a defnyddioldeb digidol
• Gwella eglurder ac effeithiolrwydd cyfathrebu
• Creu prosesau sy’n gweithio’n well i staff, cwsmeriaid a defnyddwyr gwasanaeth

Mae darparu cymorth i weithwyr sydd wedi colli eu golwg neu rywfaint o’u golwg yn anfon neges glir am werthoedd yn y gweithle. Mae’n helpu i:

• Adeiladu ymddiriedaeth a diogelwch seicolegol
• Cael sgyrsiau agored a gonest am anghenion unigol
• Creu diwylliant parchus, cynhwysol yn y gweithle

Gallwch helpu i leihau straen ac atal mecanweithiau ymdopi afiach trwy hyrwyddo:

• llwythi gwaith iach
• cynllunio effeithiol
• cydbwysedd iach rhwng bywyd a gwaith

Dysgwch fwy am reoli straen gorflinder a blinder yn y gweithle.