Boddhad swydd

Ar gyfartaledd, rydym yn treulio traean o’n bywydau effro yn y gwaith. Mae hyn yn golygu bod boddhad swydd yn chwarae rhan bwysig yn ein hiechyd a’n llesiant.

Canfu Mynegai Gwaith Da CIPD (Saesneg yn unig) fod gan y rhan fwyaf o weithwyr y DU swyddi cadarnhaol a boddhaol. Yn aml, mae gan weithwyr sy’n mwynhau eu gwaith reolwyr llinell cefnogol, cyflog teg, cyfleoedd i ddatblygu a rhywfaint o reolaeth dros sut maen nhw’n gweithio.

Fodd bynnag, mae rhai gweithwyr yn nodi eu bod wedi profi pwysau uchel, diffyg datblygiad a llesiant gwael. Dywedodd chwarter y gweithwyr fod gwaith yn cael effaith negyddol ar eu hiechyd.

Mae ymchwil CIPD (Saesneg yn unig) hefyd yn tynnu sylw at bwysigrwydd rheoli pobl yn dda. Gall rheolaeth effeithiol wella boddhad swydd, llesiant gweithwyr a pherfformiad yn y gweithle.

Cwestiynau i weithleoedd eu hystyried

• A yw gweithwyr yn teimlo bod rhywun yn gwrando arnyn nhw a’u bod yn cael eu cynnwys mewn penderfyniadau?
• A yw rheolwyr yn cynnig cefnogaeth ac adborth rheolaidd?
• A yw llwythi gwaith yn ymarferol i’w rheoli?
• A oes gan weithwyr gyfleoedd i ddysgu a datblygu?
• A yw gwaith da yn cael ei gydnabod a’i werthfawrogi?
• A oes opsiynau gweithio hyblyg ar gael lle bo’n bosibl?
• A yw gweithwyr yn gwybod ble i gael mynediad at gymorth iechyd a llesiant?

Os gwnaethoch ateb “na” neu “ddim yn siŵr” i unrhyw un o’r cwestiynau hyn, efallai bod ffyrdd y gallwch wella boddhad swydd yn eich sefydliad.

Adolygwyd y dudalen hon ddiwethaf: 21st Awst 2026