Ionawr 2026

Croeso i gylchlythyr Cymru Iach ar Waith (CIW)

Blwyddyn Newydd Dda!

Mae ein cylchlythyr misol yn rhoi diweddariadau rheolaidd gan y tîm Cymru Iach ar Waith. Mae’n cynnwys newyddion am iechyd a llesiant yn y gweithle a dolenni i ymgyrchoedd a digwyddiadau sydd ar ddod.

Y mis hwn:

Adnoddau newydd CIW wedi’u cynllunio i wella iechyd a llesiant yn y gweithle
Gweminarau sydd ar ddod
Sut gall cyflogwyr gefnogi gweithwyr ifanc yn y gweithle?
Straeon llwyddiant
Gwasanaeth Cymorth yn y Gwaith
Dyddiadau allweddol: Ymgyrchoedd a digwyddiadau

Mae croeso i chi rannu ein cylchlythyr gyda’ch cydweithwyr neu rwydweithiau, ynghyd â’n manylion cofrestru a rhifynnau blaenorol.

Adnoddau newydd Cymru Iach ar Waith (CIW) wedi’u cynllunio i wella iechyd a llesiant yn y gweithle

Yn ddiweddar, lansiodd CIW rai adnoddau cyffrous newydd ac am ddim, wedi’u cynllunio i wella iechyd a llesiant yn y gweithle:

Offeryn Arolwg Cyflogwyr CIW

Mae’n galluogi cyflogwyr i asesu eu dull presennol o ymdrin ag iechyd a llesiant yn y gweithle a chael adborth, awgrymiadau ar gyfer y camau nesaf a chyngor clir i gryfhau eu strategaeth llesiant yn y gweithle.

Dysgwch am yr Arolwg Cyflogwyr CIW.

Cymorth Cynghorydd yn y Gweithle

Mae’n galluogi cyflogwyr i gael mynediad at sesiynau cymorth rhithwir un-i-un gan Gynghorwyr CIW yn y Gweithle er mwyn iddynt gael syniadau, offer a chynlluniau syml y gallant eu rhoi ar waith ar unwaith yn eu gweithleoedd.

Dysgwch am yr Gymorth Cynghorydd yn y Gweithle.

Mae rhagor o wybodaeth am ein rhaglen a’n holl adnoddau ar gael ar wefan CIW.

Ydych chi’n dechrau eich taith llesiant yn 2026? Rhowch gynnig ar ein Pecyn Cychwyn Llesiant yn y Gweithle – cam cyntaf gwych.

Gweminarau sydd ar ddod

Wythnos Llesiant Gofal Cymdeithasol Cymru (19 – 23 Ionawr)

Rydym yn gyffrous i fod yn rhan o Wythnos Llesiant Gofal Cymdeithasol Cymru! Mae rhaglen gyffrous o ddigwyddiadau wedi’u cynllunio i helpu pobl yn y sector i ddeall mwy am lesiant yn y gwaith.

Dydd Iau 21 Ionawr – Deall llesiant yn eich gweithle
Dydd Gwener 22 Ionawr – Cefnogi pobl i reoli cyflyrau iechyd a dychwelyd neu aros yn y gwaith

Ewch i wefan Gofal Cymdeithasol Cymru i archebu eich lle.

Gweminar deall a rheoli gwrthdaro yn y gweithle

Ymunwch â Chymru Iach ar Waith ac ACAS am un o’r ddwy weminar ddiddorol ac addysgiadol y byddan nhw’n eu cynnal a fydd yn trafod ‘Deall a rheoli gwrthdaro yn y gweithle’. Bydd y sesiynau hyn yn archwilio sut y gall gweithleoedd ledled Cymru leihau’r risg o wrthdaro a meithrin perthnasoedd gwaith iachach.

Bydd y weminar hon yn trafod beth yw gwrthdaro yn y gweithle a pham y gall waethygu. Bydd hefyd yn amlygu camau clir ac ymarferol i greu diwylliant mwy cynhwysol yn y gweithle, cefnogi staff a rhoi dulliau effeithiol ar waith er mwyn datrys gwrthdaro.

Dydd Iau 12 Mawrth 2026
10:00 – 11:00
Microsoft Teams

Archebwch eich lle nawr!

Rydym yn edrych ymlaen at eich croesawu.

Sut gall cyflogwyr gefnogi gweithwyr ifanc yn y gweithle?

Grŵp o bobl fusnes yn sefyll mewn ystafell yn sgwrsio.

Yn Nigwyddiad Lansio Gwasanaeth Newydd CIW ar 12 Tachwedd 2025, trafododd 78 o gyfranogwyr o sefydliadau ledled de a chanolbarth Cymru sut y gall cyflogwyr gefnogi pobl ifanc 16–24 oed yn well. Diolch i bawb a gymerodd ran ac a gyfrannodd at yr adroddiad hwn.

Siaradodd y grŵp am yr heriau y mae gweithwyr ifanc yn eu hwynebu a lluniodd chwe mater allweddol a naw argymhelliad i gyflogwyr.

Gallwch ddarllen yr adroddiad llawn ar ein gwefan.

Gallwch hefyd ddarllen ein tudalen we i ddarganfod sut y gall gweithwyr ifanc (16-24) fod o fudd i’r gweithle, dysgu am yr heriau maen nhw’n eu hwynebu ac archwilio ffyrdd y gall cyflogwyr eu cefnogi.

Straeon llwyddiant

Llun agos o dîm gyda'u dwylo wedi'u pentyrru ar ei gilydd dros ddesg yn y gwaith

A oes gennych chi enghraifft o iechyd a llesiant yn y gweithle ar waith?

Cymerwch olwg ar straeon llwyddiant eraill ar ein gwefan, dywedwch eich stori wrthym ac ysbrydolwch gyflogwyr eraill ledled Cymru!

Gwasanaeth Cymorth yn y Gwaith

Mae’r Gwasanaeth Cymorth yn y Gwaith yn rhoi cymorth a hyfforddiant i helpu pobl a busnesau i wella llesiant yn y gweithle.

Mae’r gwasanaeth yn cynnwys:

Cymorth i helpu pobl gyflogedig a hunangyflogedig i reoli eu cyflwr iechyd a naill ai dychwelyd neu aros yn y gwaith
Hyfforddiant a chymorth i helpu busnesau i wella llesiant yn y gweithle

Mae tri chwmni sy’n darparu’r Gwasanaeth Cymorth yn y Gwaith ledled Cymru.

Cysylltwch â’ch gwasanaeth lleol i gael gwybod rhagor am yr hyn y gallant ei gynnig i chi a’ch gweithwyr.

Cadwch lygad allan am ein gweminar Gwasanaeth Cymorth yn y Gwaith sydd ar ddod yn fuan!

Dyddiadau allweddol: Ymgyrchoedd a digwyddiadau

Diwrnod Canser y Byd (4 Chwefror)

Dysgwch sut y gall cyflogwyr ddefnyddio Diwrnod Canser y Byd i hyrwyddo ymwybyddiaeth o symptomau canser a hyrwyddo canfod canser yn gynnar trwy wasanaethau sgrinio.

Cynhadledd y Sefydliad Siartredig Personél a Datblygu (CIPD) (5 Chwefror)

Rydym yn edrych ymlaen at fod yng Nghynhadledd CIPD yng Nghymru yn Stadiwm y Principality yng Nghaerdydd!

Bydd ein Cynghorwyr yn y Gweithle ar ein stondin drwy gydol y digwyddiad yn rhannu gwybodaeth am y cymorth am ddim sydd ar gael i fusnesau gan Cymru Iach ar Waith – gwnewch yn siŵr eich bod yn dod i ddweud helo!

Mae tocynnau ar gael o hyd (Saesneg yn unig).

Diwrnod Amser i Siarad (6 Chwefror)

Mae Diwrnod Amser i Siarad yn gyfle i siarad am iechyd meddwl yn y gweithle. Dysgwch sut i gymryd rhan, annog trafodaethau agored a lleihau stigma.

Wythnos Genedlaethol Prentisiaethau (9 Chwefror – 15 Chwefror)

Dysgwch sut y gall cyflogwyr ddefnyddio Wythnos Genedlaethol Prentisiaethau i godi ymwybyddiaeth o brentisiaethau a thynnu sylw at werth prentisiaid yn y gweithle.