Medi 2025

Croeso i gylchlythyr Cymru Iach ar Waith (CIW)

Mae ein cylchlythyr misol yn rhoi diweddariadau rheolaidd gan y tîm Cymru Iach ar Waith. Mae’n cynnwys newyddion am iechyd a llesiant yn y gweithle a dolenni i ymgyrchoedd a digwyddiadau sydd ar ddod.

Y mis hwn:

  • Helpu i lunio’r Rhaglen Mentora Cymheiriaid – mae eich llais yn bwysig
  • Ymunwch â Ni: Lansio gwasanaethau rhad ac am ddim newydd Cymru Iach ar Waith ym mis Tachwedd
  • Ysbrydoli eraill a chael eich ysbrydoli: Rhannwch eich stori llwyddiant am lesiant
  • Effaith wythnos waith fyrrach
  • Dyddiadau ymgyrchu ar gyfer mis Hydref

Mae croeso i chi rannu ein cylchlythyr gyda’ch cydweithwyr neu rwydweithiau, ynghyd â’n manylion cofrestru a rhifynnau blaenorol.

Helpu i lunio’r Rhaglen Mentora Cymheiriaid – mae eich llais yn bwysig

Menyw yn gwenu, yn eistedd wrth fwrdd ac yn cael trafodaeth ddymunol â grŵp mewn swyddfa cynllun agored.

Rydym yn gyffrous i fod yn gweithio gyda RCS ar ddatblygu Rhaglen Mentora Cymheiriaid newydd i gefnogi busnesau ledled Cymru i adeiladu diwylliannau gweithle iachach.

Os ydych chi eisiau dylanwadu ar ddatblygiad y rhaglen Fentora newydd mae amser o hyd:

  • Dydd Llyn 29 Medi, 10 – 11:30 (ar-lein)

Gall eich mewnwelediadau a’ch syniadau wneud gwahaniaeth! Ewch i un o’r gweithdai drwy gysylltu ag RCS yn [email protected].

Yn ogystal, rhannwch y manylion gyda chydweithwyr os ydych chi’n meddwl y gallai fod o ddiddordeb iddyn nhw.

Diolch am eich cefnogaeth barhaus i hyrwyddo gweithleoedd iachach ledled Cymru.

Ymunwch â Ni: Lansio gwasanaethau rhad ac am ddim newydd Cymru Iach ar Waith

Disgwyddiad lansio gwasanaethau rhad ac am ddim newydd 12 Tachwedd Caerdydd

Rydym yn lansio pennod newydd gyffrous yn Cymru Iach ar Waith – ac mae gwahoddiad i chi fod yn rhan ohoni!

Ymunwch â ni i ddysgu am ein gwasanaethau ac adnoddau newydd am ddim, sydd wedi’u cynllunio i helpu busnesau ledled Cymru i wella iechyd, llesiant a chynhyrchiant yn y gweithle.

  • Dydd Mercher 12 Tachwedd 2025
  • 09:30 – 12:45 (cofrestru, rhwydweithio a lluniaeth o 09:00)
  • Iechyd Cyhoeddus Cymru, Capital Quarter 2, CF10 4BZ

Cadwch eich lle heddiw!

Noder: mae lleoedd yn gyfyngedig. Er mwyn caniatáu mynediad teg, gofynnwn yn garedig nad yw mwy na dau gynrychiolydd o bob sefydliad yn cofrestru i ddechrau. Unwaith y bydd y capasiti wedi’i gyrraedd, bydd rhestr wrth gefn yn cael ei hagor ar gyfer ceisiadau ychwanegol.

Edrychwn ymlaen at eich croesawu a gweithio gyda’n gilydd i greu gweithleoedd iachach a hapusach ledled Cymru.

Gweithdy cyd-gynhyrchu presgripsiynau natur

Menyw yn gwisgo sbectol haul ac yn cario bag yn cerdded i’w gwaith ar hyd llwybr golygfaol ger adeilad swyddfa modern.

Mae Cymru Iach ar Waith a’r RSPB yn gwahodd cyflogwyr ledled Cymru i gymryd rhan mewn gweithdy cyd-gynhyrchu ar ddatblygu presgripsiynau natur — ffyrdd syml, sy’n seiliedig ar dystiolaeth, o gefnogi llesiant gweithwyr trwy dreulio amser ym myd natur.
Os hoffech chi gymryd rhan, anfonwch e-bost at [email protected].

Gallwch hefyd archwilio ein tudalen bwnc newydd ar ymgysylltu â natur, sy’n rhannu syniadau ymarferol ar gyfer creu gweithle sy’n fwy cysylltiedig â natur — sy’n hybu llesiant gweithwyr a chynhyrchiant busnes.

Ysbrydoli eraill a chael eich ysbrydoli: Rhannwch eich stori llwyddiant am lesiant

Llun agos o dîm gyda'u dwylo wedi'u pentyrru ar ei gilydd dros ddesg yn y gwaith

A oes gennych chi enghraifft o iechyd a llesiant yn y gweithle ar waith? Dywedwch eich stori wrthym ac ysbrydolwch gyflogwyr eraill ledled Cymru!

Gall rhannu eich llwyddiant ysbrydoli eraill i weithredu, annog cydweithrediad a hybu perfformiad ar draws gweithleoedd.

Cymerwch olwg ar straeon llwyddiant ar ein gwefan.

Cysylltwch â ni i rannu eich stori: [email protected]

Effaith wythnos waith fyrrach

Llun agos o berson yn ysgrifennu nodiadau wrth ddesg.

Ym mis Ebrill 2024, ymunodd y Sefydliad Iechyd Meddwl â channoedd o sefydliadau a oedd yn treialu wythnos waith fyrrach. Dros gyfnod y cynllun peilot blwyddyn o hyd, gostyngwyd oriau llawn amser o 35 i 32 yr wythnos (gyda’r oriau rhan-amser yn cael eu haddasu’n gymesur) heb unrhyw golled cyflog.

Mae’r canlyniadau wedi bod yn galonogol: Nododd 69% o’r staff a holwyd fod ganddynt lai o straen sy’n gysylltiedig â gwaith, ac yn gyffredinol, mae’r ymchwil yn dangos y gall wythnos 32 awr fod â manteision sylweddol i iechyd meddwl (dolen Saesneg yn unig).

Darganfyddwch ragor am fanteision gweithio hyblyg a sut y gall gefnogi llesiant yn eich sefydliad.

Dyddiadau ymgyrchoedd mis Hydref

Dyma rai ymgyrchoedd allweddol y mae’n bosibl y bydd gweithleoedd eisiau cymryd rhan ynddynt ym mis Hydref eleni:

Mis Ymwybyddiaeth y Menopos (Hydref)

Mae Mis Ymwybyddiaeth y Menopos yn tynnu sylw at effaith y menopos ar weithwyr a’r gweithle.

Mae cefnogi eich gweithwyr drwy’r menopos yn eu helpu i ffynnu yn y gwaith a theimlo eu bod yn cael eu gwerthfawrogi.

Mae’r manteision allweddol yn cynnwys:

• Mwy o lesiant a hyder i weithwyr sy’n profi’r menopos
• Llai o absenoldebau a gwell cadw staff
• Ymgysylltiad a chynhyrchiant uwch ymhlith gweithwyr

Dysgwch ragor ar dudalen ymgyrchu Mis Ymwybyddiaeth y Menopos.

Mis Ymwybyddiaeth Canser y Fron (Hydref)

Darganfyddwch sut y gall cyflogwyr ddefnyddio Mis Ymwybyddiaeth Canser y Fron i godi ymwybyddiaeth o symptomau canser y fron a thynnu sylw at bwysigrwydd hunanwiriadau a sgrinio.

Darganfyddwch sut y gall eich gweithle gymryd rhan ym Mis Ymwybyddiaeth Canser y Fron.

Diwrnod Iechyd Meddwl y Byd (10 Hydref)

Dysgwch sut y gall cyflogwyr ddefnyddio Diwrnod Iechyd Meddwl y Byd i annog sgyrsiau agored am iechyd meddwl yn y gwaith i gefnogi gweithwyr a chwalu stigma.

Ewch i’n tudalen ymgyrch Diwrnod Iechyd Meddwl y Byd i ddarganfod sut i gymryd rhan.

Gellir gweld gwybodaeth ac adnoddau am ystod o ymgyrchoedd ymwybyddiaeth iechyd a llesiant ar ein gwefan.