Diwrnod Beicio i’r Gwaith

Dysgwch sut y gall cyflogwyr ddefnyddio Diwrnod Beicio i'r Gwaith i hyrwyddo manteision teithio llesol a dod o hyd i adnoddau i annog gweithwyr i ddefnyddio beic i fynd i'r gwaith.

Gwerth cefnogi Diwrnod Beicio i’r Gwaith yn y gwaith

Mae Diwrnod Beicio i’r Gwaith yn annog pobl i gynnwys beicio wrth gymudo i’r gwaith. Fel cyflogwr, gallwch ddefnyddio’r diwrnod i hyrwyddo teithio llesol a chymudo cynaliadwy.

Dyma rai o fanteision hyrwyddo beicio i’r gwaith:

• Gwella ffitrwydd corfforol a lles meddyliol gweithwyr
• Cynyddu lefelau egni, ffocws a chynhyrchiant gweithwyr
• Dangos ymrwymiad i gynaliadwyedd a gweithredoedd amgylcheddol

Cael eich gweithle i gymryd rhan yn y Diwrnod Beicio i’r Gwaith

Dyma rai ffyrdd y gallwch gymryd rhan yn y Diwrnod Beicio i’r Gwaith:

Ymgysylltwch â’ch tîm

Gofynnwch i weithwyr sut maen nhw’n cymudo i’r gweithle ac anogwch feicio fel opsiwn.

Tynnwch sylw at fanteision iechyd ac amgylcheddol beicio i’r gwaith.

Hyrwyddwch opsiynau teithio gwyrdd

Rhowch wybod i weithwyr am y cynllun Beicio i’r Gwaith  (Saesneg yn unig) a all wneud beicio yn fwy hygyrch.

Rhannwch y Rhwydwaith Beicio Cenedlaethol gyda gweithwyr fel eu bod yn gallu dod o hyd i lwybrau ar gyfer cerdded, olwyno a beicio.

Anogwch weithwyr sy’n feicwyr rheolaidd i ddod yn hyrwyddwyr yn y gwaith. Rhannwch eu straeon i ysbrydoli eraill.

Sefydlwch her feicio yn y gweithle

Ewch ati i gynnal cystadlaethau a digwyddiadau cyfeillgar sy’n hyrwyddo beicio fel gweithgaredd hwyliog ac iach.

Cydnabyddwch a gwobrwywch gyfranogiad i annog eraill i gymryd rhan.

Cynhaliwch weithdy

Gallech drefnu sesiynau ar gyfer gweithwyr yn ymwneud â diogelwch beiciau, cynnal a chadw a llwybrau lleol.

Anogwch weithwyr i gymryd rhan ac i ofyn unrhyw gwestiynau allai fod ganddynt. Gall gwneud hyn annog gweithwyr sy’n llai hyderus ar gefn beic i roi cynnig arni.

Gweithleoedd egnïol

Mae yna bethau y gallwch eu gwneud trwy gydol y flwyddyn i annog gweithwyr i fod yn egnïol.

• Hyrwyddwch arferion bach, egnïol fel annog gweithwyr i ddefnyddio’r grisiau neu barcio ymhellach i ffwrdd o’u swyddfa, os oes rhaid iddynt ddefnyddio eu ceir
• Cynigiwch gymorth i helpu staff i gadw’n egnïol yn y gwaith ac allan o’r gwaith
• Yn bwysicaf oll, gwnewch e’n hwyl – bydd dull pleserus yn rhoi hwb i gyfranogiad a brwdfrydedd

Darganfyddwch fwy am weithleoedd egnïol.

Darganfod mwy

I ddarganfod sut y gall eich gweithle gymryd rhan yn y Diwrnod Beicio i’r Gwaith a chael gafael ar adnoddau y gallwch eu defnyddio, ewch i wefan y Cynllun Beicio (Saesneg yn unig).

I gael gwybodaeth am ymgyrchoedd iechyd a lles trwy gydol y flwyddyn, cofrestrwch i dderbyn ein cylchlythyr.

• Ymgyrch