Wythnos Iechyd Dynion

Darganfyddwch sut y gall cyflogwyr ddefnyddio Wythnos Iechyd Dynion i ddechrau sgyrsiau ac annog gweithwyr i gymryd camau rhagweithiol tuag at iechyd gwell.

Gwerth cefnogi Wythnos Iechyd Dynion

Mae Wythnos Iechyd Dynion yn codi ymwybyddiaeth o’r heriau iechyd y mae dynion yn eu hwynebu ac yn eu hannog i weithredu.

Mae’r ymgyrch yn sicrhau bod gan bob bachgen a dyn fynediad at y wybodaeth, y gwasanaethau a’r driniaeth sydd eu hangen arnynt i fyw bywydau iachach, hirach a mwy boddhaus.

Gall cefnogi’r ymgyrch ddod â sawl mantais i weithleoedd:

• Gweithlu iachach a mwy ymgysylltiedig
• Gwell cynhyrchiant gweithwyr
• Llai o absenoldeb
• Diwylliant gweithle cadarnhaol sy’n blaenoriaethu lles

Cymrwch ran yn Wythnos Iechyd Dynion

I gymryd rhan yn yr ymgyrch, gall cyflogwyr:

• Godi ymwybyddiaeth trwy rannu negeseuon iechyd allweddol trwy eich mewnrwyd, e-byst, posteri, a chyfathrebiadau eraill yn y gweithle
• Trefnu mentrau sy’n cefnogi iechyd dynion, megis diwrnodau profion iechyd, heriau ffitrwydd, neu weithdai lles a sgyrsiau byrion ar bynciau penodol
• Annog sgyrsiau agored am iechyd trwy greu amgylchedd cefnogol a chynhwysol

Creu diwylliant gweithle cadarnhaol ar gyfer iechyd dynion

Mae cymryd rhan yn Wythnos Iechyd Dynion yn gam cyntaf gwych, ond gall newidiadau parhaol i ddiwylliant y gweithle wneud mwy o wahaniaeth trwy gydol y flwyddyn.

Fel cyflogwr, gallech:

• Gynnig trefniadau gweithio hyblyg i annog cydbwysedd rhwng bywyd a gwaith
• Hyrwyddo profion iechyd a sgrinio rheolaidd
• Cyflwyno mentrau ffitrwydd a lles, megis teithiau cerdded amser cinio, cynlluniau beicio i’r gwaith neu opsiynau bwyta’n iach
• Sicrhau bod gan weithwyr fynediad at gymorth ac adnoddau iechyd meddwl, gan gynnwys y Gwasanaeth Cymorth Yn y Gwaith
• Annog uwch arweinwyr i drafod pynciau iechyd yn agored i leihau stigma

Darganfod mwy

Dysgwch sut y gall eich gweithle gymryd rhan ym Wythnos Iechyd Dynion a chael mynediad at adnoddau ar wefan Fforwm Iechyd Dynion (Saesneg yn unig).

I gael y wybodaeth ddiweddaraf am ymgyrchoedd iechyd a llesiant drwy gydol y flwyddyn, cofrestrwch i dderbyn ein cylchlythyr.

• Ymgyrch