Wythnos Ryngwladol Ymwybyddiaeth am Straen

Dysgwch sut y gall cyflogwyr ddefnyddio Wythnos Ryngwladol Ymwybyddiaeth am Straen i godi ymwybyddiaeth am straen yn y gweithle a rhannu adnoddau i gefnogi lles gweithwyr.

Gwerth cefnogi Wythnos Ryngwladol Ymwybyddiaeth am Straen yn y gwaith

Gall cefnogi Wythnos Ryngwladol Ymwybyddiaeth am Straen helpu gweithwyr i gydnabod sut y gall straen effeithio ar eu hiechyd meddwl a chorfforol yn y gwaith ac mewn bywyd bob dydd.

Mae’r ymgyrch yn rhoi cyfle i gyflogwyr annog sgyrsiau agored, rhannu adnoddau defnyddiol a rheoli straen er mwyn creu gweithle cadarnhaol a chefnogol.

Trwy fynd i’r afael â straen yn y gweithle, gall cyflogwyr leihau diffygiad (burnout), gwella lles gweithwyr a gwella perfformiad.

Bod yn rhan o Wythnos Ryngwladol Ymwybyddiaeth am Straen

Cynnal gweithdai rheoli straen

Cynnal sesiynau ar ymwybyddiaeth ofalgar, technegau ymlacio a strategaethau ymdopi. Gall gweithgareddau fel hyn helpu gweithwyr i ddod o hyd i ffyrdd o reoli straen mewn ffordd iach.

Hyrwyddo cydbwysedd rhwng gwaith a bywyd

Hyrwyddo gweithio hyblyg, annog gweithwyr i gymryd seibiant rheolaidd a rheoli llwythi gwaith yn unol â hynny i helpu i leihau straen yn y gweithle.

Chwilio am fwy o wybodaeth am fanteision gweithio hyblyg.

Creu amgylchedd cefnogol

Cynnig mynediad at adnoddau iechyd meddwl yn eich gweithle. Gall cael mynediad at grwpiau cymorth cyfoedion neu raglenni sy’n cynnig cymorth i weithwyr eu helpu i deimlo eu bod yn cael eu cefnogi.

Cynnig hyfforddiant ac arweiniad

Rhoi hyfforddiant i reolwyr a gweithwyr ar sut i adnabod a rheoli straen a chynnal sgyrsiau am straen gyda gweithwyr.

Chwilio am fwy o wybodaeth am reoli straen yn y gweithle.

Rheoli straen yn y gwaith

Gall gweithleoedd gefnogi ymwybyddiaeth o straen ac iechyd meddwl drwy gydol y flwyddyn trwy gymryd camau rhagweithiol fel:

Gwirio iechyd meddwl a lles

Asesu lles gweithwyr yn rheolaidd. Gellir cyflawni hyn trwy gyfrwng arolwg, gwiriad rheolaidd a chynnal sgwrs

Hyrwyddo diwylliant gweithle cadarnhaol a chefnogol

Cefnogi trafodaethau agored am iechyd meddwl, helpu i chwalu stigma a rhoi hyfforddiant i reolwyr a staff.

Rhannu adnoddau iechyd meddwl a lles

Darparu gwybodaeth am gymorth proffesiynol sydd ar gael i helpu gweithwyr i reoli straen a gofalu am eu hiechyd meddwl.

Dysgwch fwy drwy edrych ar ein tudalennau pwnc ar sut i reoli straen yn y gweithle a diffygiad a blinder yn y gweithle.

Ymgyrch Working Minds

Dan arweiniad Awdurdod Gweithredol Iechyd a Diogelwch (HSE), mae ymgyrch Working Minds yn pwysleisio pwysigrwydd rheoli straen sy’n gysylltiedig â gwaith er mwyn atal problemau iechyd meddwl.

Mae’n cynnig adnoddau a chanllawiau defnyddiol i helpu gweithleoedd i ddilyn y gyfraith a chreu amgylchedd gwaith iach cefnogol.

Am fwy o wybodaeth am yr Ymgyrch Working Minds (Saesneg yn unig).

Mwy o wybodaeth

I ddysgu mwy sut y gall eich gweithle gymryd rhan yn yr Wythnos Ryngwladol Ymwybyddiaeth am Straen, ewch i wefan International Stress Management Association UK (ISMAUK) (Saesneg yn unig).

I dderbyn y wybodaeth ddiweddaraf am ymgyrchoedd iechyd a lles drwy gydol y flwyddyn, cofrestrwch ar gyfer derbyn ein cylchlythyr.

• Ymgyrch