Cymorth ynglŷn â hunanladdiad
Dysgwch sut i gefnogi gweithwyr y mae hunanladdiad yn effeithio arnyn nhw wrth hyrwyddo llesiant meddyliol yn y gweithle.
Cyfleoedd i ddarparu cefnogaeth
Mae gweithleoedd yn chwarae rhan hanfodol o ran cefnogi gweithwyr sy’n cael eu heffeithio gan hunanladdiad.
Mae cyflogwyr mewn sefyllfa unigryw i greu diwylliant o fod yn agored, darparu cymorth ymarferol a sicrhau nad yw gweithwyr yr effeithir arnyn nhw’n teimlo eu bod ar eu pennau eu hunain.
Trwy feithrin amgylchedd gwaith sy’n rhoi pwyslais ar dosturi a dealltwriaeth, gall cyflogwyr helpu gweithwyr i ymdrin â’u galar tra’n cadw’u bywydau proffesiynol yn sefydlog.
Mae cyfleoedd i gefnogi gweithwyr yn cynnwys:
- Rhoi arweiniad clir ar yr adnoddau iechyd meddwl a’r gwasanaethau cymorth sydd ar gael
- Annog rhwydweithiau cymorth cymheiriaid yn y gweithle
- Cynnig cyfleoedd datblygiad proffesiynol ar ymwybyddiaeth iechyd meddwl ac atal hunanladdiad
- Sicrhau bod rheolwyr yn derbyn hyfforddiant ar sut i fynd ati i gael sgyrsiau sensitif gyda gweithwyr yr effeithir arnyn nhw
- Cynnig trefniadau gweithio hyblyg i gefnogi’r rhai sy’n cael trafferth gyda galar neu ofid emosiynol
Os ydych chi’n poeni am rywun neu’n ei chael hi’n anodd ymdopi ac angen rhywun i siarad â nhw, ffoniwch y Samariaid ar unrhyw adeg, o unrhyw ffôn AM DDIM: 116 123
Adolygwyd y dudalen hon ddiwethaf: 31st Mawrth 2025
