Cymorth ynglŷn â hunanladdiad

Gall cyflogwyr gymryd camau ymarferol i greu gweithle diogel a chefnogol ar ôl hunanladdiad:

• Deall y gall pobl fod wedi cael profedigaeth (teulu agos, ffrindiau), wedi dod i gysylltiad (cydweithwyr, tystion) neu wedi’u heffeithio (aelodau’r gymuned)
• Cynnig trefniadau gweithio hyblyg i weithwyr sy’n galaru
• Darparu cymorth cynnar, ymarferol fel cyfeiriadau clir at wasanaethau proffesiynol. Mae’r Samariaid (Saesneg yn unig) yn darparu cefnogaeth emosiynol 24/7 i’r rhai sydd mewn trallod. Gallwch gael cefnogaeth emosiynol yn Gymraeg trwy ffonio Llinell Gymraeg y Samariaid ar 0808 164 0123 (Ar agor bob dydd 7pm-11pm).
• Mae’r Gwasanaeth Cynghori a Chyswllt Cenedlaethol (NALS) (yn agor mewn ffenestr newydd) yn wasanaeth cyfrinachol am ddim i unrhyw un sydd wedi cael ei effeithio gan hunanladdiad. Mae’n darparu gwasanaeth cymorth cyfrinachol am ddim ac mae ar gael i unigolion a theuluoedd o bob oed sy’n byw yng Nghymru. Gellir ei ddarparu dros y ffôn, wyneb yn wyneb neu drwy alwad fideo.
• Sylweddol y gall fod angen cymorth ar bobl ar wahanol adegau, nid yn syth ar ôl y digwyddiad yn unig
• Annog sgyrsiau agored am iechyd meddwl mewn ffordd anfeirniadol a thosturiol
• Hyrwyddo iechyd meddwl da a lleihau straen yn y gweithle
• Cynnig sesiynau sgwrsio dro ar ôl tro i sicrhau bod gweithwyr yn teimlo eu bod yn cael eu cefnogi dros amser
• Cymryd rhan mewn ymgyrchoedd ymwybyddiaeth iechyd meddwl

Er mwyn gwella ymwybyddiaeth a hyfforddiant, gall cyflogwyr annog staff i gymryd rhan mewn Hyfforddiant Sgiliau Ymyrraeth Hunanladdiad Cymhwysol (ASIST) (Saesneg yn unig), sy’n helpu unigolion i gefnogi’r rhai sydd mewn perygl.

Mae adnoddau eraill, fel canllawiau Llywodraeth Cymru ar ymateb i bobl sydd mewn profedigaeth, wedi bod mewn cysylltiad neu wedi’u heffeithio gan hunanladdiad, Help is at Hand Cymru (Saesneg yn unig) a Mental Health UK (Saesneg yn unig) yn darparu cyngor ac adnoddau i gefnogi gweithwyr a rheolwyr i ymdrin â’r sefyllfaoedd sensitif hyn.

Adolygwyd y dudalen hon ddiwethaf: 1st Ebrill 2025