Niwroamrywiaeth yn y gweithle

Gall cyflogwyr gymryd camau i ddenu gweithwyr niwrowahanol drwy sicrhau bod disgrifiadau swydd yn glir a bod prosesau recriwtio yn hygyrch.

Gall darparu addasiadau ar gyfer cyfweliad, fel amser ychwanegol neu gwestiynau ymlaen llaw, hefyd wneud gwahaniaeth mawr.

Mae cynnig disgwyliadau a chyfarwyddiadau clir ar gyfer cyfweliadau yn helpu i greu amgylchedd croesawgar i ymgeiswyr niwrowahanol.

Canllawiau ychwanegol:

• Adroddiad ACAS ar Niwroamrywiaeth yn y Gwaith
• Canllaw Ymarferol i Gyflogwyr ynglŷn â Chyflogi Pobl Anabl gan Llywodraeth Cymru

Mae creu gweithle cynhwysol yn gofyn am gymorth parhaus i weithwyr niwrowahanol.

Mae cyflogwyr yn gallu:

• Dod yn Gyflogwr Hyderus o ran Anabledd
• Darparu hyfforddiant i reolwyr ar niwroamrywiaeth
• Codi ymwybyddiaeth ymysg staff
• Cynnig addasiadau yn y gweithle fel gweithio hyblyg, technoleg gynorthwyol, a mannau tawel.

Mae’r offer defnyddiol yn cynnwys:

• Pasbort Addasiad Iechyd Yr Adran Gwaith a Phensiyna
• ADHD UK
• Pecyn cymorth (Saesneg yn unig) ADHD UK
• Rhwydwaith Dyslecsia a Dyspracsia y Gwasanaeth Sifil

Gall cyflogwyr feithrin amgylchedd mwy cynhwysol drwy weithredu newidiadau ystyriol syml, fel:

• Cynnig mannau tawel a chlustffonau canslo sŵn
• Caniatáu seibiannau yn ystod cyfarfodydd hir
• Llunio negeseuon e-bost cryno a dim ond copïo mewn derbynwyr perthnasol er mwyn osgoi llethu gweithwyr â gwybodaeth ddiangen.

Gall paru gweithwyr niwrowahanol â ‘chyfeillion’ yn y gweithle eu cynorthwyo wrth drosglwyddo i rôl newydd.

Gall sefydliadau mwy hefyd elwa o sefydlu rhwydweithiau staff sy’n hyrwyddo cynwysoldeb ac yn cynnig cefnogaeth gan gymheiriaid.

Am arweiniad ar sefydlu rhwydweithiau staff, ewch i CIPD (Saesneg yn unig).