Rheoli absenoldeb salwch

Cwrdd â’r gweithiwr (Saesneg yn unig) cyn iddyn nhw ddychwelyd i fynd i’r afael â phryderon a chytuno ar drefniant dychwelyd yn raddol os oes angen.

Rhoi gwybodaeth glir am y broses dychwelyd i’r gwaith a beth i’w ddisgwyl. Sicrhau eu bod yn ymwybodol o’r gefnogaeth a’r adnoddau sydd ar gael.

Addasu dyletswyddau, oriau gwaith neu’r man gwaith yn seiliedig ar argymhellion meddygol (nodir hyn fel rheol yn nodyn ffitrwydd gweithiwr (dolen Saesneg yn unig)).

Gellir defnyddio’r ffurflen Pasbort Addasiad Iechyd hefyd i nodi pa gymorth a newidiadau y gallai fod eu hangen wrth weithio neu wrth symud i mewn i’r gwaith.

Os oes angen cymorth ariannol arnoch i wneud addasiadau yn y gweithle, efallai y gallwch gael grant gan y rhaglen Mynediad at Waith a ariennir gan y llywodraeth.

Rhoi digon o amser i’r ddau barti baratoi a rhoi’r addasiadau ar waith.

Datblygu cynllun manwl a hyblyg i ddychwelyd i’r gwaith yn raddol ar gyfer gweithwyr sy’n dychwelyd ar ôl absenoldeb hirdymor. Cynyddu’r llwyth gwaith a’r cyfrifoldebau’n raddol er mwyn hwyluso’r cyfnod trosglwyddo.

Adolygu ac addaswch y cynllun dychwelyd yn raddol yn rheolaidd yn seiliedig ar adborth a chynnydd y gweithiwr.

Mae’n bwysig lleihau unrhyw bryder a magu hyder gweithwyr sy’n dychwelyd i’r gwaith:

• Dylid cynnig sicrwydd a chefnogaeth drwy gael sgyrsiau rheolaidd a chynnal llinellau cyfathrebu agored
• Dylid annog y gweithwyr i leisio unrhyw bryderon ar unrhyw adeg a chydweithiwch â nhw i ddod o hyd i atebion

Trefnu cyfarfodydd dilynol rheolaidd i adolygu cynnydd y gweithiwr a mynd i’r afael ag unrhyw bryderon newydd neu barhaus.

Cynnal amgylchedd gwaith cefnogol sy’n hyrwyddo llesiant a chynhyrchiant gweithwyr sy’n dychwelyd.

Monitro effeithiolrwydd yr addasiadau a gwneud newidiadau yn ôl yr angen.