Rheoli absenoldeb salwch

Dylech sicrhau bod eich polisi absenoldeb salwch (Saesneg yn unig) yn cynnwys gweithdrefnau ar gyfer adrodd, dogfennaeth a hawliau (y buddion a’r hawliau y mae gweithwyr yn gymwys i’w derbyn pan na allan nhw weithio oherwydd salwch neu anaf).

Rhaid iddo gydymffurfio â rhwymedigaethau cyfreithiol fel Deddf Cydraddoldeb 2010 a darpariaethau ar gyfer tâl salwch statudol.

Dylid rheoli absenoldebau sy’n gysylltiedig ag anabledd ar wahân.

Dylai gweithwyr ddeall y polisi o’r cychwyn cyntaf, yn ddelfrydol fel rhan o’u rhaglen gynefino.

Mae defnyddio dull teg a chyson yn atal pryderon ynghylch gwahaniaethu.

Mae’n bwysig deall yr effaith drom y gall rheoli absenoldeb salwch hirdymor ei chael ar reolwyr llinell.

Mae cefnogaeth yn bwysig i reolwyr llinell fel y gallan nhw reoli absenoldeb salwch yn effeithiol yn y gweithle.

Bydd angen hyfforddiant ar reolwyr ar adnabod problemau iechyd a thrin absenoldebau yn empathetig.

Dylech sicrhau bod mynediad at wasanaethau iechyd galwedigaethol a rhwydweithiau cymorth ar gael.

Mae’r Gwasanaeth Cymorth yn y Gwaith yn rhoi mynediad at wasanaethau therapi galwedigaethol, ffisiotherapi a therapi seicolegol wedi’u teilwra.

Annog sgyrsiau agored am iechyd.

Dylech gyfeirio gweithwyr at adnoddau a gwasanaethau fel SilverCloud (Saesneg yn unig), gwasanaethau Cymorth yn y Gwaith, rhaglenni cymorth i weithwyr neu weithwyr gofal iechyd proffesiynol.

Cadw golwg ar absenoldebau i adnabod patrymau a chynnig cefnogaeth amserol.

Dylech sicrhau cydymffurfiaeth â Deddf Diogelu Data 2018 wrth ymdrin â data iechyd gweithwyr.

Defnyddio’r data i osod a chyflawni targedau ar gyfer lleihau absenoldebau.

Dylai’r targedau hyn fod yn seiliedig ar ymdrech ar y cyd i ddeall a lliniaru’r rhesymau dros absenoldebau.

Cadw mewn cysylltiad â gweithwyr ar absenoldeb hirdymor a chynigiwch gymorth drwy becynnau cymorth y GIG neu wasanaethau iechyd galwedigaethol.

Gall rheolwyr y GIG ddefnyddio’r pecyn cymorth absenoldeb salwch (Saesneg yn unig), sy’n cynnig arweiniad ar gael sgyrsiau cefnogol ynghylch absenoldeb salwch.

Mae canllawiau ar gael gan sefydliadau fel:

• Mind Cymru
• Diabetes UK (Saesneg yn unig)
• Cymorth Canser Macmillan
• Versus Arthritis (Saesneg yn unig)

Mae’r Business Disability Forum yn cynnig ymgynghoriaeth, hyfforddiant ac adnoddau (Saesneg yn unig) i helpu sefydliadau i ddod yn fwy cynhwysol a chefnogol i weithwyr anabl.

Mae’r Awdurdod Gweithredol Iechyd a Diogelwch yn amlinellu egwyddorion i gefnogi gweithwyr anabl a gweithwyr sydd â chyflyrau iechyd hirdymor (Saesneg yn unig).

Mae’r Adran Gwaith a Phensiynau yn cynnig canllawiau i gyflogwyr a rheolwyr i gefnogi pobl anabl a’r rhai â chyflyrau iechyd cronig yn well.

Darllenwch ein cyngor ar sut i gefnogi absenoldebau sy’n gysylltiedig ag anabledd.

Trefnu cyfarfodydd cyn i weithiwr ddychwelyd i drafod eu hanghenion.

Rhowch unrhyw addasiadau rhesymol ar waith, fel oriau hyblyg neu ddyletswyddau wedi’u haddasu, er mwyn hwyluso’u cyfnod trosglwyddo.

Dylid werthuso a mireinio strategaethau rheoli absenoldeb yn barhaus.

Gall adborth gan weithwyr a dadansoddi data helpu i wella prosesau a chynnal cydymffurfiaeth.