Cymorth i weithwyr gyda diabetes

O dan Ddeddf Cydraddoldeb 2010 (Saesneg yn unig), gall diabetes gael ei gyfrif yn anabledd, sy’n golygu bod rhaid i gyflogwyr wneud addasiadau rhesymol, fel cynnig: 

• Oriau gweithio hyblyg ar gyfer mynd i apwyntiadau meddygol

• Mannau dynodedig ar gyfer cymryd inswlin ac i fonitro lefelau siwgr y gwaed

• Seibiannau rheolaidd ar gyfer prydau bwyd er mwyn cynnal lefelau siwgr gwaed sefydlog

Mae Diabetes UK  yn cynnig canllaw manwl i gyflogwyr (Saesneg yn unig) ar addasiadau yn y gweithle. 

• Trefnu cyfarfodydd cerdded, teithiau cerdded amser cinio, neu ddarparu mynediad i’r gampfa
• Annog gwell dewisiadau bwyd drwy sicrhau bod byrbrydau maethlon ar gael a thrwy hyrwyddo prydau cytbwys
• Gall straen beri i symptomau diabetes waethygu. Gall Rhaglenni Cymorth i Weithwyr (EAPs) helpu gweithwyr i reoli straen a lles emosiynol. 
•  Mae Pwysau Iach Byw’n Iach yn cynnig cyngor ac adnoddau wedi’u teilwra ar sut i gynnal pwysau iach

• Annog gwasanaethau iechyd galwedigaethol i sgrinio gweithwyr sydd mewn perygl
• Awgrymu bod gweithwyr yn defnyddio teclyn ar-lein Diabetes UK(Saesneg yn unig) i helpu i asesu eu risg o ddiabetes Math 2

• Cynnal sesiynau addysgol ar reoli diabetes
• Hyfforddi rheolwyr i adnabod yr heriau sy’n gysylltiedig â diabetes ac i ymateb yn gefnogol
• Annog diwylliant heb stigma lle mae gweithwyr yn teimlo’n gyfforddus i drafod eu hanghenion

Mae tri ap am ddim bellach ar gael trwy GIG Cymru i helpu i atal a rheoli diabetes Math 2.

Gall pawb yng Nghymru lawrlwytho’r apiau hyn yn rhad ac am ddim drwy lenwi ffurflen ar-lein syml:

• MyDESMOND Cymru – ar gyfer pobl sydd â diagnosis Math 2
• Let’s Prevent Cymru – ar gyfer pobl sydd â chyn-ddiabetes neu sydd â diabetes yn ystod beichiogrwydd.

Byddwch angen eich rhif GIG, sydd i’w gael ar ap GIG Cymru, presgripsiwn diweddar, llythyr apwyntiad neu gallwch ofyn i’ch practis meddyg teulu.