Gweithwyr ifanc yn y gweithle

Mae llawer o bobl ifanc sy’n dechrau gweithio yn profi heriau penodol. Mae’r rhain yn cynnwys cyflyrau iechyd, ansicrwydd swyddi a dod i arfer â’r gweithle.

Yn ôl data gan y Swyddfa Ystadegau Gwladol (SYG), ychydig dros hanner pobl ifanc Cymru sydd mewn gwaith, o’i gymharu â bron i dri o bob pedwar o’r holl oedolion o oedran gweithio.

Mae’r bwlch hwn yn cael ei ddylanwadu gan:

Anawsterau iechyd meddwl

Mae bron i un o bob pedwar o bobl ifanc yn dweud iddynt brofi cyflwr iechyd meddwl fel gorbryder neu iselder. Gall yr heriau hyn effeithio ar hyder, presenoldeb a chyflogaeth hirdymor.

Ansicrwydd swydd, neu swyddi â chyflog isel

Mae ymchwil yn dangos bod oedolion ifanc mewn mwy o berygl o ansicrwydd swyddi. Gall hyn achosi straen, lleihau llesiant a’i gwneud hi’n anodd cynllunio ar gyfer y dyfodol.

Prinder cyfleoedd i ddatblygu

Os na all gweithwyr ifanc weld ffordd glir o symud ymlaen, efallai y byddant yn colli cymhelliant ac yn gadael eu rôl.

Addasu i normau’r gweithle

Efallai nad oes gan bobl ifanc brofiad o ddisgwyliadau’r gweithle. Efallai y byddant yn cael trafferth gyda chyfathrebu proffesiynol a rheoli eu hunain.

Gall heriau cynnar, fel anawsterau iechyd meddwl ac ansicrwydd rôl, waethygu yn y gweithle. Mae straen sy’n gysylltiedig â gwaith, pryder a llesiant gwael yn rhesymau cyffredin pam mae gweithwyr iau yn cymryd amser i ffwrdd yn sâl.

Ewch i’n tudalen am reoli absenoldeb salwch i gael rhagor o wybodaeth.

Edrychwch ar ein ffeithlun sy’n dangos rhai o’r heriau y mae gweithwyr ifanc yn eu hwynebu.

Adolygwyd y dudalen hon ddiwethaf: 9th Ionawr 2026