Gweithwyr ifanc yn y gweithle

Gwnewch eich prosesau recriwtio yn glir, yn gynhwysol ac yn addasadwy i anghenion unigol.

Dysgwch fwy am gydraddoldeb, amrywiaeth a chynhwysiant a niwroamrywiaeth yn y gwaith.

Mae rheolwyr llinell yn chwarae rhan allweddol ym mhrofiadau cynnar pobl yn y gweithle.

Dylai hyfforddiant eu helpu i:

• Siarad am lesiant
• Deall niwroamrywiaeth
• Rheoli materion sensitif
• Cefnogi dechreuwyr newydd
• Gosod ffiniau a disgwyliadau

Mae cyfnod cynefino clir a strwythuredig yn meithrin hyder ac yn helpu gweithwyr ifanc i addasu i ddisgwyliadau yn y gweithle.

Cynlluniwch sesiynau rheolaidd i ddal fyny i weld sut mae’n mynd, rhoi adborth ac ateb cwestiynau.

Parwch weithwyr ifanc â mentor neu gyfaill. Bydd hyn yn rhoi cefnogaeth iddynt, yn lleihau eu pryder ac yn eu helpu i feithrin annibyniaeth.

Mae hefyd yn cefnogi rhannu gwybodaeth ac yn helpu i feithrin perthynas ystyrlon gyda phobl eraill yn y gweithle.

Gall cyswllt wyneb yn wyneb rheolaidd, yn enwedig yn gynnar, adeiladu cysylltiad, cefnogi dysgu a chryfhau’r berthynas rhwng tîm.

Mae gweithwyr ifanc yn elwa o gyfathrebu sy’n glir, yn gyson ac yn adeiladol.

Darganfyddwch fwy am gyfathrebu yn y gweithle.

Mae llawer o weithwyr ifanc yn wynebu pwysau ariannol. Gall cyflogwyr helpu drwy rannu cyngor dibynadwy, fel Helpwr Arian gan y Gwasanaeth Arian a Phensiynau (MaPS).

Dysgwch fwy am lesiant ariannol yn y gweithle.

Mae llwybrau gyrfa clir yn helpu gweithwyr ifanc i aros yn frwdfrydig.

Dylai cyflogwyr:

• Nodi llwybrau gyrfa
• Rhoi hyfforddiant a datblygiad
• Cynnig cyfleoedd i symud ymlaen

Ewch i’n tudalen datblygiad gweithwyr i ddysgu mwy.