Mawrth 2026

Croeso i gylchlythyr Cymru Iach ar Waith (CIW).

Mae ein cylchlythyr misol yn rhoi diweddariadau rheolaidd gan y tîm Cymru Iach ar Waith. Mae’n cynnwys newyddion am iechyd a llesiant yn y gweithle a dolenni i ymgyrchoedd a digwyddiadau sydd ar ddod.

Y mis hwn:

Beth sy’n newydd – Diweddariadau pwnc CIW
Cymryd rhan – archwilio llesiant pobl ifanc yn y gwaith
Cadwch y Dyddiadau – gweminarau Cymru Iach ar Waith (HWW) AM DDIM sydd ar ddod
Hyfforddiant niwroamrywiaeth am ddim gan Lywodraeth Cymru
Sut y gwnaeth Banc Datblygu Cymru adeiladu gweithle iachach
Dyddiadau allweddol: Ymgyrchoedd a digwyddiadau

Mae croeso i chi rannu ein cylchlythyr gyda’ch cydweithwyr neu rwydweithiau, ynghyd â’n manylion cofrestru a rhifynnau blaenorol.

Beth sy’n newydd – Diweddariadau gan raglen Cymru Iach ar Waith i wella iechyd a llesiant yn y gweithle

Llun agos o dîm gyda'u dwylo wedi'u pentyrru ar ei gilydd dros ddesg yn y gwaith

Yn dilyn ein gweminar hynod lwyddiannus ar ADHD ym mis Tachwedd 2025, rydym wedi lansio tudalen bwnc newydd ar Ddeall ADHD yn y gweithle. Ewch i’r dudalen i archwilio canllawiau ymarferol ar gefnogi gweithwyr ag ADHD ac adeiladu gweithle mwy cynhwysol.

Rydym hefyd wedi datblygu tudalen bwnc ar Gefnogi Gweithwyr sydd wedi Colli eu Golwg i helpu gweithwyr sydd wedi colli eu golwg i deimlo’n hyderus a’u bod yn cael eu gwerthfawrogi, a’u galluogi i ffynnu yn y gwaith.

I gael rhagor o ysbrydoliaeth, darllenwch ein stori lwyddiant gyda Sight Cymru a darganfyddwch sut mae cyflogwyr yn codi ymwybyddiaeth ac yn creu gweithleoedd cynhwysol.

Cymryd rhan – archwilio llesiant pobl ifanc yn y gwaith

Lansio Prosiect Newydd. Pobl Ifanc mewn Cyflogaeth. Gwethdai ar y gweill ym mis Chwefror a mis MAwrth!

Mae Cymru Iach ar Waith wedi comisiynu RCS i archwilio iechyd a llesiant pobl ifanc 16–24 oed yn y gweithle, gyda ffocws penodol ar iechyd meddwl.

Am fod straen sy’n gysylltiedig â’r gwaith yn effeithio fwyfwy ar weithwyr ifanc, bydd y prosiect hwn yn casglu mewnwelediadau gan weithwyr ifanc a chyflogwyr ledled Cymru i ddeall yn well yr heriau allweddol a nodi pa gefnogaeth sy’n gweithio orau.

Bydd y canfyddiadau yn ein helpu i ddatblygu canllawiau ac adnoddau ymarferol i wella llesiant yn y gweithle a chefnogi pobl ifanc i adeiladu gyrfaoedd cynaliadwy.

Pwy all gymryd rhan?

Pobl ifanc a phrentisiaid sy’n barod i rannu eu profiadau
Cyflogwyr a rheolwyr sy’n ceisio deall anghenion pobl ifanc yn well
Gweithwyr adnoddau dynol proffesiynol, arweinwyr llesiant, mentoriaid neu unrhyw un sydd â mewnwelediad perthnasol
Byddem yn ddiolchgar pe gallech rannu’r cyfle hwn gyda gweithwyr ifanc, prentisiaid a chydweithwyr.

Dyddiadau’r gweithdai

Methu dod i’r gweithdai? Cwblhewch yr arolwg!

Arolwg cyflogwyr Young People’s Health and Wellbeing at Work – Employer Survey – Fill in form (Saesneg yn unig)

Arolwg pobl ifanc Supporting health & wellbeing of young people at work – Fill in form (Saesneg yn unig)

Cadwch y Dyddiadau – gweminarau Cymru Iach ar Waith sydd ar ddod

Rydym yn falch o gyhoeddi dwy weminar AM DDIM sydd ar ddod:

Gweminar Llesiant Ariannol (mewn partneriaeth â’r Gwasanaeth Arian a Phensiynau(Saesneg yn unig)), 13 Mai 2026
Deall a Rheoli Gwrthdaro yn y Gweithle (rhan 2, mewn partneriaeth ag ACAS (Saesneg yn unig)), 18 Mehefin 2026

Gobeithiwn y gallwch ymuno â ni ar gyfer un sesiwn neu’r ddwy. Bydd rhagor o fanylion, gan gynnwys gwybodaeth am gofrestru, yn cael eu rhannu yn fuan.

Gweminarau Llywodraeth Cymru AM DDIM: Addasiadau ar gyfer pobl niwrowahanol

Mae Hyrwyddwyr Cyflogaeth Pobl Anabl Llywodraeth Cymru yn cynnig gweminarau codi ymwybyddiaeth AM DDIM ar addasiadau rhesymol yn y gweithle ar gyfer pobl niwrowahanol.
Bydd y sesiynau hyn yn darparu cyngor ac arweiniad ymarferol ar gefnogi unigolion niwrowahanol yn effeithiol yn eich sefydliad.

Manylion y Sesiwn

Cynulleidfa: Unrhyw aelod o staff sydd â diddordeb mewn dysgu mwy am niwrowahaniaeth ac addasiadau cynhwysol yn y gweithle.

Cynnwys:

Deall pwysigrwydd addasiadau rhesymol
Dulliau arfer gorau ar gyfer creu amgylchedd cynhwysol
Addasiadau ymarferol ar gyfer cydweithwyr sy’n gweithio yn y swyddfa a gartref

Ieithoedd:

Ar gael yn Gymraeg a Saesneg

Hyd:

1.5 awr (gan gynnwys egwyl fer a sesiwn holi ac ateb)

Dyddiadau i ddod

13 Ebrill 2026, 9yb – archebu eich lle
12 Mai 2026, 10.30yb – archebu eich lle

Gallwch hefyd ddod o hyd i ganllawiau pellach ar dudalen pwnc niwroamrywiaeth Cymru Iach ar Waith.

Sut yr adeiladodd Banc Datblygu Cymru weithle iachach drwy gefnogi niwroamrywiaeth yn y gwaith

Mae’r rhaglen hyfforddi niwroamrywiaeth wedi cael effaith sylweddol a chadarnhaol ar draws Banc Datblygu Cymru.
Un o’r canlyniadau mwyaf pwerus yw’r ffordd y mae wedi agor sgyrsiau am niwroamrywiaeth. Er enghraifft: sylwodd un cydweithiwr ar ei nodweddion niwrowahanol ei hun ac mae bellach yn ceisio diagnosis, ac yn cael cefnogaeth briodol yn y gweithle.

Mae rheolwyr yn nodi eu bod yn teimlo’n fwy hyderus a rhagweithiol wrth gynnig cefnogaeth, gan helpu cydweithwyr i berfformio ar eu gorau. Mae cyflwyno Llysgenhadon Niwroamrywiaeth hyfforddedig wedi cryfhau rhwydweithiau cymorth mewnol ac yn dangos yn glir ymrwymiad Banc Datblygu Cymru i gynhwysiant.

Yn bwysig, cydnabu Banc Datblygu Cymru y gellir ac y dylid gwneud addasiadau i’r gweithle hyd yn oed heb ddiagnosis ffurfiol. Gall newidiadau syml megis rhannu agendâu ymlaen llaw neu ddarparu crynodebau ysgrifenedig ar ôl cyfarfodydd, wneud gwahaniaeth mawr.

Darllenwch y stori lawn ar ein gwefan ac archwilio straeon llwyddiant eraill.

Os oes gennych chi stori i’w rhannu, dywedwch wrthon ni ac ysbrydoli cyflogwyr eraill ledled Cymru!