Wythnos Gofalwyr

Dysgwch sut y gall cyflogwyr ddefnyddio Wythnos Gofalwyr i godi ymwybyddiaeth o ofalu, cefnogi gweithwyr sy'n ofalwyr di-dâl a rhannu gwybodaeth ac adnoddau am ofalu.

Gwerth cefnogi Wythnos Gofalwyr yn y gwaith

Mae Wythnos Gofalwyr yn ymgyrch flynyddol i godi ymwybyddiaeth o ofalu, tynnu sylw at yr heriau sy’n wynebu gofalwyr di-dâl a chydnabod eu cyfraniad tuag at deuluoedd a chymunedau ledled y DU.

Mae hefyd yn helpu pobl nad ydyn nhw’n meddwl amdanyn nhw eu hunain fel rhai sydd â chyfrifoldebau gofalu i ystyried eu hunain yn ofalwyr ac i gael mynediad i’r cymorth sydd ei angen arnyn nhw gymaint.

Fel cyflogwr, gall cefnogi gweithwyr sy’n ofalwyr di-dâl helpu gweithwyr i aros mewn gwaith ochr yn ochr â’u cyfrifoldebau gofalu.

Cymerwch ran yn Wythnos Gofalwyr yn eich gweithle chi

Dyma rai pethau y gallwch chi ystyried eu gwneud yn eich gweithle chi yn ystod Wythnos Gofalwyr.

Trefnu digwyddiad

Gall codi arian fod yn weithgaredd hwyl yn y gweithle. O foreau coffi, i deithiau cerdded noddedig neu werthiant llyfrau, mae llawer o ffyrdd y gallwch gymryd rhan.

Gall gweithgareddau fel hyn fod yn llesol hefyd ar gyfer morâl a llesiant gweithwyr.

Mae gan wefan Wythnos Gofalwyr adnoddau y gallwch eu lawrlwytho (Saesneg yn unig).

Rhannu gwybodaeth ac adnoddau

Defnyddiwch sianeli cyfathrebu mewnol i rannu cyngor, gwybodaeth ac adnoddau dibynadwy a all gefnogi gweithwyr sydd â chyfrifoldebau gofalu.

Mae adnoddau defnyddiol yn cynnwys hwb llesiant Gofalwyr Cymru a gwefan Wythnos Gofalwyr (Saesneg yn unig).

Sefydlu rhwydwaith gofalwyr

Mae Wythnos Gofalwyr yn gyfle i sefydlu neu gefnogi “Rhwydwaith Gofalwyr” neu “Hyrwyddwyr Gofalwyr,” y gwyddwn eu bod yn helpu gweithwyr i deimlo eu bod yn cael eu cefnogi.

Os oes gennych chi arweinydd iechyd a llesiant, gofynnwch iddo siarad am ofalu ac anogwch weithwyr sydd â chyfrifoldebau gofalu i gael mynediad at y gefnogaeth sydd ar gael iddyn nhw.

Cefnogi gofalwyr drwy gydol y flwyddyn

Gall cefnogi gweithwyr sydd â chyfrifoldebau gofalu drwy gydol y flwyddyn helpu i greu gweithle lle mae eich gweithwyr yn teimlo eu bod yn cael eu cefnogi a’u grymuso i ofalu am eu hiechyd.

Dyma rai pethau y gallwch chi eu gwneud drwy gydol y flwyddyn:

Annog cael sgyrsiau agored

Creu gweithle lle mae siarad am ofalu am bobl o bob oed yn cael ei annog a’i gefnogi.

Hyrwyddwch ffyrdd i weithwyr siarad am ofalu, fel ymuno â Rhwydwaith Gofalwyr, os oes gennych chi un.

Rhannu gwybodaeth ac adnoddau

Defnyddiwch sianeli cyfathrebu mewnol i rannu cyngor, gwybodaeth ac adnoddau dibynadwy a all gefnogi gweithwyr sydd â chyfrifoldebau gofalu.

Mae adnoddau defnyddiol yn cynnwys hwb llesiant Gofalwyr Cymru a gwefan Wythnos Gofalwyr (Saesneg yn unig).

Cynnig opsiynau gweithio hyblyg

Gall cynnig opsiynau gweithio hyblyg helpu gweithwyr sydd â chyfrifoldebau gofalu i drefnu’r gwaith o amgylch eu cyfrifoldebau eraill.

Gall gweithio hyblyg gynnwys gweithio o bell, oriau cywasgedig neu oriau rhan-amser.

Dysgwch fwy am weithio hyblyg.

Rhagor o wybodaeth

I ddarganfod sut y gall eich gweithle gymryd rhan yn Wythnos Gofalwyr a chael adnoddau y gallwch eu defnyddio, ymwelwch â gwefan Wythnos Gofalwyr (Saesneg yn unig).

I gael yr wybodaeth ddiweddaraf am ymgyrchoedd iechyd a llesiant drwy gydol y flwyddyn, cofrestrwch i gael ein cylchlythyr.

• Ymgyrch