Skip to content

Awyru ac ansawdd aer yn y gweithle

Dysgwch am awyru ac ansawdd aer yn y gwaith, sut maent yn effeithio ar iechyd a llesiant a sut i gymryd camau cadarnhaol i wella’ch gweithle.

Neidio'r tabl cynnwys

Gwella awyru ac ansawdd aer yn y gweithle

Awyru yw’r broses o ddod ag awyr iach o’r tu allan i mewn a chael gwared ar hen aer o’r tu mewn. Gall mannau sydd wedi’u hawyru’n wael deimlo’n fyglyd, yn boeth, yn llaith neu gynnwys llygryddion.

Mathau o awyru

Mae’r dull mwyaf priodol yn dibynnu ar ddyluniad a gweithgareddau eich gweithle:

Awyru naturiol

Yn defnyddio ffenestri, drysau, fentiau ac agoriadau eraill i ganiatáu i awyr iach lifo i mewn ac allan.

Awyru mecanyddol

Yn defnyddio ffaniau, dwythellau a systemau i gyflenwi ac echdynnu aer. Gall y systemau hyn fod yn lleol (ystafelloedd unigol) neu’n rhan o system adeilad cyfan.

Awyru modd cymysg

Cyfuniad o systemau naturiol a mecanyddol, a ddefnyddir yn aml mewn gwahanol rannau o adeilad.

Ewch i wefan HSE i gael rhagor o wybodaeth am awyru yn y gweithle (Saesneg yn unig).

Adolygwyd y dudalen hon ddiwethaf: 18th Mehefin 2026